Ляхнар 16
16
Павеликна Силайик Тимофей ктикьуб
1Дилин Павел Дервияйиз, хъасин Листрайиз гъюру. Душваъ Тимофей кӀуру сар ученик айи. Дугъан дада хъугънайи жугьуд дишагьли вуйи, хъа адаш грек вуйи. 2Листрайиъ ва Иконияйиъ айи гъардшар дугъкан ужуди улхури шуйи. 3Павелиз Тимофей чахъди рякъюъ учӀвну ккунди айи. Гьаддиз дугъу Тимофейин суннат гъапӀнийи. Мидʼинди Павелиз душваъ айи жугьдариз хуш шлуб апӀуз ккунди айи, фицики дурариз варидариз Тимофейин адаш грек вуйиб аьгъяйи. 4Ва дурари, шагьрариан шагьрариз гъягъюри, хъугъвалиина гъафидариз Ерусалимдиъ вакилари ва хъугънайидарин аьхюдари адагъу къарар, дурар тамам апӀруганси, ктитури гъахьну. 5Гьамци хъугънайидар хъугъувалиъ мюгькам шули ва дурарин кьадар йигълан-йигъаз артухъ шули гъахьну.
Павелиз Македонияйиз дих апӀуб
6Павел ва дугъахъди хъайидар Фригияна Галатия уьлкйириантина гъягъюру, амма Гирами Рюгьну дурарихьди Асия уьлкейиъ аьгъювалар улупуз гъитундар. 7Мисия уьлкейин сяргьятарихъна дуфну, дурариз Вифания юрдназ гъягъюз ккун шулу, амма Гирами Рюгьну дурариз манигъвал апӀуру. 8Гьамци, Мисияйиъ удручӀвди, дурар Троада шагьриз гъюру.
9Йишвну Павелиз Македония уьлкейин касди, чан улихь дийигъну аьжайиб саягъниинди:
– Македонияйиз дуфну, учуз кюмек апӀин, – кӀури, миннат апӀуради рябкъюру.
10Му гъябкъюбси, учу дишлади Македонияйиз гъягъюз кьатӀъ гъапӀунча, фицики Аллагьди дурариз Ужувлан хабар гъайибхай кӀура, пну, фикир гъапӀунча. 11Троадайиан гимийиъди рякъюъ учӀвну, дилин сифте Самофракия островдиина, хъайигъан Неапол шагьриз гъафунча.
Филипияйиз гъюб
12Дилинра учу Римдиан гъафидар яшамиш шулайи Македонияйин сабпи пайнан Филипия шагьриз гъафича, ва душваъ садшвнуд йигъ гъабхьнийич. 13Султ йигъан шагьриан нирихъна удучӀвнийча. Душвахъ, аьдат вуйиси, гъудгнар апӀру хал хъайи. Гьадина уч духьнайи дишагьлийирихъди деъну, сюгьбатар апӀурайча. 14Душваъ Фиатир шагьриан вуйи багьа уьру парчайин алвер апӀру Лидия кӀуру сар дишагьлира айи. Думу гьякь вуйи Аллагьдихъ хъугънайир вуйи. Павелихъ хъпехъурайи вахтна, Агъайи дугъан юкӀв ачмиш апӀуру, ва думу Павелин гафарихъ хъугънийи. 15Думу ва дугъан вари хуландар штуан гъахьихъан, дугъу учкан тӀалаб апӀуру:
– Эгер учву узу дугъриданра Агъайихъ хъугънайир вуди гьисаб апӀураш, йиз хулаъ яшамиш йихьай.
Учура рази гъашича.
Павелна Сила дисуб
16Саб ражари учу гъудгнар апӀру хулаз гъягъюрайиган, фал китуз шлу жин кайи ва фал китбиинди эйсйириз зурба хайир хурайи лукӀ риш алахъунчуз. 17Павелинна ич кьяляхъди гъюри, дугъу, гьамци кӀури, чӀигъар апӀури гъахьну:
– Му касар ВаритӀанзаану Аллагьдин гъуллугъчйир ву! Дурари ухьуз уьрхивалихьна рякъ улупура!
18Гьамци думу шуру гизаф йигъари кӀури гъахьну. Павелихьан аьх апӀуз дархьиди, шурахьинди илдицну, дугъак кайи фалин жиндиз кӀуру:
– Месигь Исайин ччвурнахъан увуз амур апӀураза: дугъʼан удубчӀв!
Думу жинра дишлади шурʼан удубчӀвуру.
19Хъа дугъан эйсйириз чпин хайир хътабтӀурайиб дябкъну, дурари, Павелна Сила дидисну, гужниинди базар али майдандиина гьякимарихьна гъахуру. 20Дурарихьна гъахидари кӀуру:
– Му касар жугьдар ву ва дурари ихь шагьриъ гъалабулугъ ипра. 21Дурари ухьу, римлуйири, кьабул вая тамам апӀуз лайикь дару аьдатар рагъура.
22Халкьра Павелизна Силайиз къаршу шулу. Хъа гьякимари дурар, палтар илдитну, маргълихьди урччвуз буйругъ тувру. 23Дурар, гизаф дурччвну, дустагъдиъ итру, хъа дустагъчийиз дурар ижмишнаан гъаравликк уьрхюз буйругъ тувру. 24Мициб буйругъ гъадабгъу дустагъчийира дурар дустагъдиъ айи вартӀан айитӀ дустагъдиъ уржру ва дурарин ликар урхъар айи ацӀу кьулиъ ивну рукьарихьди йитӀуру.
Павелна Сила азад апӀуб
25ГьацӀишвар багахь шулади, Павелина Силайи, ккарагури, Аллагьдин адназ мяълийир апӀурайи. Дустагъдиъ айи дидиснайидар дурарихъ хъпехъурайи. 26Гьаму арайиъ сабпну жилар гьаци зарбди гъутӀурччвнийики, саки дустагъдин шибритӀарра ришвруси. Гьадму сяаьт вари раккнарра арццру ва вари дидиснайидариин али рукьарра алдахьуру. 27НивкӀʼан хъиргу дустагъдин гъаравулиз, вари раккнар арццнади дябкъну, ханжал уьчӀюбгъну учв йикӀуз ккун шулу, фицики дугъу, дидиснайидар гьергну пну, хиял гъапӀнийи. 28Хъа Павели: «Уву увуз хатӀа мапӀан, учу вари гьамшваъ имича», – пну, зарбди чӀигъ апӀуру.
29Гъаравли, акв апӀруб хуз гъитну, Павелна Сила айи йишвазди архьру ва, гучӀбаан гукӀни духьну, думу дурарин улихь жилʼин дахъру. 30Хъасин гъаравулчийи, дурар чӀатна адаъну, кӀуру:
– Эй йиз худйир, узу уьрхбан бадали гьапӀну ккунду?
31Дурари дугъаз жаваб туву:
– Агъа вуйи Месигь Исайихъ хъугъ, Аллагьди уву ва яв хуландар уьрхиди.
32Хъасин дурари гъаравулчийиз ва дугъан хулаъ айидариз варидариз Агъайин Гафнакан аьгъювалар улупуру. 33Гъаравулчийи, дурар чан хулаз гъахи йишван, дурарин зийнар жикӀуру, хъасин дишлади думу ва дугъан хуландар штуан шулу. 34Чан хулаз гъахи Павелизна Силайиз дугъу хураг гьивнийи, хъа дугъу ва дугъан хуландари Аллагьдихъ хъугъбиин шадвал апӀури шулу.
35ГвачӀин улубкьиган, шагьрин гьякимари:
– Дустагъ дапӀнайидар деетай, – пну, дустагъдиз чпин чархачйир гьаъру.
36Дустагъдин гъаравулчийи мидкан Павелиз кӀуру:
– Гьякимари, узухьна учву деетри пну, адмийир гьаъна. Гьаци вуйиган, гьамус архаинвалиинди удучӀвну гъарахай.
37Амма Павели дурариз кӀуру:
– Учу суд дарапӀди, Римдин ватандашар вуйибдизра дилигди, вари халкьдин улихь дурччвну, дустагъдиъ итнийи. Хъа гьамус жиниди деетурайин? Ваъ. Гъит чпи гъюри, чпи учу адаъри.
38Чархачйири му гафар, гьякимарикна гъапиган, Павелна Сила Римдин ватандашар вуйиб гъеебхьиган, гьякимариз гучӀ шулу. 39Гьаддиз дурари, дуфну, Павелинна Силайин улихь чпилан хил алдабгъувал ккун апӀуру ва, дустагъдиан адаъну, дурарикан шагьриан удучӀвну гъягъюб тӀалаб апӀуру. 40Дурар, дустагъдиан удучӀвдар, Лидияйин хулаз гъюру. Душваъ гъардшарихъди дяркъну, дурарин юкӀвар аьшкьлу дапӀну, шагьриан рякъюъ учӀвру.
Sélection en cours:
Ляхнар 16: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Ляхнар 16
16
Павеликна Силайик Тимофей ктикьуб
1Дилин Павел Дервияйиз, хъасин Листрайиз гъюру. Душваъ Тимофей кӀуру сар ученик айи. Дугъан дада хъугънайи жугьуд дишагьли вуйи, хъа адаш грек вуйи. 2Листрайиъ ва Иконияйиъ айи гъардшар дугъкан ужуди улхури шуйи. 3Павелиз Тимофей чахъди рякъюъ учӀвну ккунди айи. Гьаддиз дугъу Тимофейин суннат гъапӀнийи. Мидʼинди Павелиз душваъ айи жугьдариз хуш шлуб апӀуз ккунди айи, фицики дурариз варидариз Тимофейин адаш грек вуйиб аьгъяйи. 4Ва дурари, шагьрариан шагьрариз гъягъюри, хъугъвалиина гъафидариз Ерусалимдиъ вакилари ва хъугънайидарин аьхюдари адагъу къарар, дурар тамам апӀруганси, ктитури гъахьну. 5Гьамци хъугънайидар хъугъувалиъ мюгькам шули ва дурарин кьадар йигълан-йигъаз артухъ шули гъахьну.
Павелиз Македонияйиз дих апӀуб
6Павел ва дугъахъди хъайидар Фригияна Галатия уьлкйириантина гъягъюру, амма Гирами Рюгьну дурарихьди Асия уьлкейиъ аьгъювалар улупуз гъитундар. 7Мисия уьлкейин сяргьятарихъна дуфну, дурариз Вифания юрдназ гъягъюз ккун шулу, амма Гирами Рюгьну дурариз манигъвал апӀуру. 8Гьамци, Мисияйиъ удручӀвди, дурар Троада шагьриз гъюру.
9Йишвну Павелиз Македония уьлкейин касди, чан улихь дийигъну аьжайиб саягъниинди:
– Македонияйиз дуфну, учуз кюмек апӀин, – кӀури, миннат апӀуради рябкъюру.
10Му гъябкъюбси, учу дишлади Македонияйиз гъягъюз кьатӀъ гъапӀунча, фицики Аллагьди дурариз Ужувлан хабар гъайибхай кӀура, пну, фикир гъапӀунча. 11Троадайиан гимийиъди рякъюъ учӀвну, дилин сифте Самофракия островдиина, хъайигъан Неапол шагьриз гъафунча.
Филипияйиз гъюб
12Дилинра учу Римдиан гъафидар яшамиш шулайи Македонияйин сабпи пайнан Филипия шагьриз гъафича, ва душваъ садшвнуд йигъ гъабхьнийич. 13Султ йигъан шагьриан нирихъна удучӀвнийча. Душвахъ, аьдат вуйиси, гъудгнар апӀру хал хъайи. Гьадина уч духьнайи дишагьлийирихъди деъну, сюгьбатар апӀурайча. 14Душваъ Фиатир шагьриан вуйи багьа уьру парчайин алвер апӀру Лидия кӀуру сар дишагьлира айи. Думу гьякь вуйи Аллагьдихъ хъугънайир вуйи. Павелихъ хъпехъурайи вахтна, Агъайи дугъан юкӀв ачмиш апӀуру, ва думу Павелин гафарихъ хъугънийи. 15Думу ва дугъан вари хуландар штуан гъахьихъан, дугъу учкан тӀалаб апӀуру:
– Эгер учву узу дугъриданра Агъайихъ хъугънайир вуди гьисаб апӀураш, йиз хулаъ яшамиш йихьай.
Учура рази гъашича.
Павелна Сила дисуб
16Саб ражари учу гъудгнар апӀру хулаз гъягъюрайиган, фал китуз шлу жин кайи ва фал китбиинди эйсйириз зурба хайир хурайи лукӀ риш алахъунчуз. 17Павелинна ич кьяляхъди гъюри, дугъу, гьамци кӀури, чӀигъар апӀури гъахьну:
– Му касар ВаритӀанзаану Аллагьдин гъуллугъчйир ву! Дурари ухьуз уьрхивалихьна рякъ улупура!
18Гьамци думу шуру гизаф йигъари кӀури гъахьну. Павелихьан аьх апӀуз дархьиди, шурахьинди илдицну, дугъак кайи фалин жиндиз кӀуру:
– Месигь Исайин ччвурнахъан увуз амур апӀураза: дугъʼан удубчӀв!
Думу жинра дишлади шурʼан удубчӀвуру.
19Хъа дугъан эйсйириз чпин хайир хътабтӀурайиб дябкъну, дурари, Павелна Сила дидисну, гужниинди базар али майдандиина гьякимарихьна гъахуру. 20Дурарихьна гъахидари кӀуру:
– Му касар жугьдар ву ва дурари ихь шагьриъ гъалабулугъ ипра. 21Дурари ухьу, римлуйири, кьабул вая тамам апӀуз лайикь дару аьдатар рагъура.
22Халкьра Павелизна Силайиз къаршу шулу. Хъа гьякимари дурар, палтар илдитну, маргълихьди урччвуз буйругъ тувру. 23Дурар, гизаф дурччвну, дустагъдиъ итру, хъа дустагъчийиз дурар ижмишнаан гъаравликк уьрхюз буйругъ тувру. 24Мициб буйругъ гъадабгъу дустагъчийира дурар дустагъдиъ айи вартӀан айитӀ дустагъдиъ уржру ва дурарин ликар урхъар айи ацӀу кьулиъ ивну рукьарихьди йитӀуру.
Павелна Сила азад апӀуб
25ГьацӀишвар багахь шулади, Павелина Силайи, ккарагури, Аллагьдин адназ мяълийир апӀурайи. Дустагъдиъ айи дидиснайидар дурарихъ хъпехъурайи. 26Гьаму арайиъ сабпну жилар гьаци зарбди гъутӀурччвнийики, саки дустагъдин шибритӀарра ришвруси. Гьадму сяаьт вари раккнарра арццру ва вари дидиснайидариин али рукьарра алдахьуру. 27НивкӀʼан хъиргу дустагъдин гъаравулиз, вари раккнар арццнади дябкъну, ханжал уьчӀюбгъну учв йикӀуз ккун шулу, фицики дугъу, дидиснайидар гьергну пну, хиял гъапӀнийи. 28Хъа Павели: «Уву увуз хатӀа мапӀан, учу вари гьамшваъ имича», – пну, зарбди чӀигъ апӀуру.
29Гъаравли, акв апӀруб хуз гъитну, Павелна Сила айи йишвазди архьру ва, гучӀбаан гукӀни духьну, думу дурарин улихь жилʼин дахъру. 30Хъасин гъаравулчийи, дурар чӀатна адаъну, кӀуру:
– Эй йиз худйир, узу уьрхбан бадали гьапӀну ккунду?
31Дурари дугъаз жаваб туву:
– Агъа вуйи Месигь Исайихъ хъугъ, Аллагьди уву ва яв хуландар уьрхиди.
32Хъасин дурари гъаравулчийиз ва дугъан хулаъ айидариз варидариз Агъайин Гафнакан аьгъювалар улупуру. 33Гъаравулчийи, дурар чан хулаз гъахи йишван, дурарин зийнар жикӀуру, хъасин дишлади думу ва дугъан хуландар штуан шулу. 34Чан хулаз гъахи Павелизна Силайиз дугъу хураг гьивнийи, хъа дугъу ва дугъан хуландари Аллагьдихъ хъугъбиин шадвал апӀури шулу.
35ГвачӀин улубкьиган, шагьрин гьякимари:
– Дустагъ дапӀнайидар деетай, – пну, дустагъдиз чпин чархачйир гьаъру.
36Дустагъдин гъаравулчийи мидкан Павелиз кӀуру:
– Гьякимари, узухьна учву деетри пну, адмийир гьаъна. Гьаци вуйиган, гьамус архаинвалиинди удучӀвну гъарахай.
37Амма Павели дурариз кӀуру:
– Учу суд дарапӀди, Римдин ватандашар вуйибдизра дилигди, вари халкьдин улихь дурччвну, дустагъдиъ итнийи. Хъа гьамус жиниди деетурайин? Ваъ. Гъит чпи гъюри, чпи учу адаъри.
38Чархачйири му гафар, гьякимарикна гъапиган, Павелна Сила Римдин ватандашар вуйиб гъеебхьиган, гьякимариз гучӀ шулу. 39Гьаддиз дурари, дуфну, Павелинна Силайин улихь чпилан хил алдабгъувал ккун апӀуру ва, дустагъдиан адаъну, дурарикан шагьриан удучӀвну гъягъюб тӀалаб апӀуру. 40Дурар, дустагъдиан удучӀвдар, Лидияйин хулаз гъюру. Душваъ гъардшарихъди дяркъну, дурарин юкӀвар аьшкьлу дапӀну, шагьриан рякъюъ учӀвру.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023