Паччагьлугъар-4 25
25
Ерусалим ккадабхъувал
1Цедекияйин паччагьвалин урчӀвудпи йисандин йицӀубпи вазлин йицӀудпи йигъан Вавилондин паччагь Навухаднасар чан вари кьушум хъади Ерусалимдиина гъушнийи. Дугъу шагьрин гургутум бина гъивнийи, шагьрин цаларихъ, думу бисбан бадали, руг хъабхьнийи. 2Шагьур Цедекияйин паччагьвалин йицӀисадпи йисазкьан кьялаъ апӀну имийи.
3Юкьубпи вазлин урчӀвудпи йигъаз шагьриъ гаш гужал гъабхьнийи, халкьдиз ипӀруб имдайи. 4Думуган Вавилондин халкь вуйи халдеяри шагьрин цалиъ урхъ гъапӀнийи, ва Цедекия паччагь вари кьушум хъади гьергнийи. Дурари шагьур йишвну дипнийи, халдеяри шагьур кьялаъ апӀнашра. Цедекия ва дугъан кьушум кьюб цалин арайиъ айи, паччагьдин багъдин багахь хьайи урнариан удучӀвнийи ва Ярдан дерейин терефназди гъушнийи. 5Амма халдеярин кьушум паччагьдихъ хъебгнийи ва дугъахъ Ерихондин дюзенариъ хъубкьнийи. Цедекияйин вари кьушум, думу ялгъузди гъитну, гъарабгънийи. 6Цедекия халдеяри гъидиснийи. Думу Вавилондин паччагьдихьна Ривла шагьриз гъахнийи, душваъ дугъаз жаза гьадабтӀнийи. 7Цедекияйин баяр дугъан уларикк гъурккнийи, хъасин дугъан улар адагънийи, ва, кемшрин къандалар хъитӀну, думу Вавилондиз гъурхнийи.
8Хьубпи вазлин ургудпи йигъан паччагьдин гъаравларин аьхюр вуйи Невузардан, Вавилондин паччагьдин гъараваш, Ерусалимдиз гъафнийи. Думуган Вавилондин паччагь Навухаднасарин паччагьвалин йицӀиурчӀудпи йис вуйи. 9Дугъу РАББИЙИН Хал, паччагьдин гъала ва Ерусалимдиъ айи вари хулар цӀигъ гъургнийи. Дугъу вари аьхю хулар цӀигъ гъургнийи. 10Хъа халдеярин кьушми Невузардандин регьберваликкди Ерусалимдилан илтӀикӀнайи вари цалар гъарагънийи. 11Невузарданди Ерусалимдиъ имбу вари агьалйир, Вавилондин паччагьдин терефназди гьергдарра кади, йисирвализ гъурхнийи. 12Амма касиб инсанарикан бязидар, тӀумтӀин багълариъ ва хутӀлариин лихбан бадали, душваъ гъитнийи.
13Халдеяри РАББИЙИН Хулаъ айи кемшрин мурхьлар, шид убзру гъабарикк ккивру бицӀи чархар ккайи кемшрин аьрабйир, «гьюл» ччвур али кемшрин гьявуз гъюргънийи ва кемшир Вавилондиз гъубхнийи. 14Гьацира дурари бетйир, бицӀи кьасйир, лампйирин пилтйир гьадатӀру убрушвар, РАББИЙИН Хулаъ ишлетмиш апӀури гъабхьи вари кемшрин гъаб-гъажагъ гъухнийи. 15Паччагьдин гъаравларин аьхюри марцци гъизиликан ва арснакан дапӀнайиб вари – ицциб ниъ хъайи шейʼар ургуз вуйи гъабар ва ифи кубзру захар – гъухнийи.
16Сулейманди РАББИЙИН Хулаз гъапӀу кьюб мурхьлин, гьявуздин ва аьрабйирин кемшир ебцуз даршлубкьан гизаф вуди гъабхьну#25:16 Лиг 3 Пачч. 7:15-47.. 17Гьарсаб мурхьул йицӀимиржиб юкӀ#25:17 ЙицӀимиржиб юкӀ: тахминан 9,5 метр. ягълишин алиб вуйи. Кемшрикан дапӀнайи мурхьлиин иливрубдин ягълишин шубуб юкӀ#25:17 Шубуб юкӀ: тахминан 1,5 метр. вуйи, думу кемшрин зунжрихъди ва кемшрин нарарихъди дабалгнайи. Гьациб вуйи тмуну мурхьулра.
18Паччагьдин гъаравларин аьхюри Заанурин сарпи гъуллугъчи Серая, дугъахъна кьюрпир вуйи Заанурин гъуллугъчи Цепаная ва РАББИЙИН Хулан раккнар уьрхру шубур кас йисирвализ гъадагънийи. 19Шагьриъ гъузнайидарикан дугъу гъалайиъ айи эскрариз табшуругъар тувру сар гъуллугъчи ва хьур кас паччагьдин насигьятчйир йисирвализ гъадагънийи. Гьацира дугъу уьлкейин кьушмиз инсанар гъядягърур ва шагьриъ гъидихъу дугъан йирхьцӀур кас йисирвализ гъидиснийи. 20Невузарданди дурар вари Вавилондин паччагьдихьна Ривлайиз гъухнийи. 21Хамат вилаятдиъ айи Ривла шагьриъ Вавилондин паччагьди дурар йивну йикӀуз амур гъапӀнийи. Гьаци Ягьудайин агьалйир чпин жилилан алдаънийи.
Гедалия Ягьудайиъ гьяким хьувал
22Вавилондин паччагь Навухаднасари Ахикамдин бай, Шафандин худул Гедалия чав Ягьудайиъ гъибту халкьдиин гьякимди тяйин гъапӀнийи. 23Вавилондин паччагьди Гедалия гьякимди дерккуваликан гъеебхьиган, кьушмарин вари аьхюрар ва дурарин инсанар Гедалияйихьна Мицпа шагьриз гъафнийи. Дурар Нетанияйин бай Уьсмяил, Къареахдин бай Юханан, Нетоф шагьриан вуйи Танхуметдин бай Серая, Мааха вилаятдиан Язания ва дурарин инсанар вуйи. 24Дурар ва дурарин инсанар архаин апӀбан бадали, Гедалияйи дурариз ху гъапӀнийи. Дугъу гъапнийи:
– Халдей гьякимарихьан гучӀ мапӀанай. Уьлкейиъ бина йивай, Вавилондин паччагьдиз гъуллугъ апӀинай, ва учвуз ужуйи хьибди.
25Амма ургубпи вазли Нетанияйин бай, Элишамдин худул, паччгьарин тухумдиан вуйи Уьсмяили, йицӀур кас хъади дуфну, Гедалия ва дугъахъди Мицпайиъ айи ягьударна халдеяр йивну гъакӀнийи. 26Дидин кьяляхъ вари халкь, гьам касибарра, гьам девлетлуйирра, халдеярихьан гучӀури, кьушмарин аьхюрарихъди сатӀиди Египетдиз гьергну гъушнийи.
Якин паччагь дустагъдиан азад апӀуб
27Ягьудайин паччагь Якин йисирвализ гъадагъхъанмина сумчӀурна ургудпи йисан Вавилондин паччагь Эвил-Мерудах гъахьнийи. Учв паччагь гъахьи йисандин йицӀикьюбпи вазлин къанна ургудпи йигъан дугъу Ягьудайин паччагь Якин дустагъдиан деетнийи. 28Эвил-Мерудахди Якиндихъди дуствалиинди гафар апӀуйи, дугъу думу чахъди Вавилондиъ гъахьи вари паччгьартӀан зади дисуйи. 29Якинди чан дустагъдин палтар гьюдюхнийи, ва дугъу чан уьмрин имбу йигъари гьарган паччагьдин суфрайихъ уьл ипӀуйи. 30Чан имбу уьмриъ дугъаз лазим вуйиб вари гьарган паччагьдихьан тувуйи.
Sélection en cours:
Паччагьлугъар-4 25: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Паччагьлугъар-4 25
25
Ерусалим ккадабхъувал
1Цедекияйин паччагьвалин урчӀвудпи йисандин йицӀубпи вазлин йицӀудпи йигъан Вавилондин паччагь Навухаднасар чан вари кьушум хъади Ерусалимдиина гъушнийи. Дугъу шагьрин гургутум бина гъивнийи, шагьрин цаларихъ, думу бисбан бадали, руг хъабхьнийи. 2Шагьур Цедекияйин паччагьвалин йицӀисадпи йисазкьан кьялаъ апӀну имийи.
3Юкьубпи вазлин урчӀвудпи йигъаз шагьриъ гаш гужал гъабхьнийи, халкьдиз ипӀруб имдайи. 4Думуган Вавилондин халкь вуйи халдеяри шагьрин цалиъ урхъ гъапӀнийи, ва Цедекия паччагь вари кьушум хъади гьергнийи. Дурари шагьур йишвну дипнийи, халдеяри шагьур кьялаъ апӀнашра. Цедекия ва дугъан кьушум кьюб цалин арайиъ айи, паччагьдин багъдин багахь хьайи урнариан удучӀвнийи ва Ярдан дерейин терефназди гъушнийи. 5Амма халдеярин кьушум паччагьдихъ хъебгнийи ва дугъахъ Ерихондин дюзенариъ хъубкьнийи. Цедекияйин вари кьушум, думу ялгъузди гъитну, гъарабгънийи. 6Цедекия халдеяри гъидиснийи. Думу Вавилондин паччагьдихьна Ривла шагьриз гъахнийи, душваъ дугъаз жаза гьадабтӀнийи. 7Цедекияйин баяр дугъан уларикк гъурккнийи, хъасин дугъан улар адагънийи, ва, кемшрин къандалар хъитӀну, думу Вавилондиз гъурхнийи.
8Хьубпи вазлин ургудпи йигъан паччагьдин гъаравларин аьхюр вуйи Невузардан, Вавилондин паччагьдин гъараваш, Ерусалимдиз гъафнийи. Думуган Вавилондин паччагь Навухаднасарин паччагьвалин йицӀиурчӀудпи йис вуйи. 9Дугъу РАББИЙИН Хал, паччагьдин гъала ва Ерусалимдиъ айи вари хулар цӀигъ гъургнийи. Дугъу вари аьхю хулар цӀигъ гъургнийи. 10Хъа халдеярин кьушми Невузардандин регьберваликкди Ерусалимдилан илтӀикӀнайи вари цалар гъарагънийи. 11Невузарданди Ерусалимдиъ имбу вари агьалйир, Вавилондин паччагьдин терефназди гьергдарра кади, йисирвализ гъурхнийи. 12Амма касиб инсанарикан бязидар, тӀумтӀин багълариъ ва хутӀлариин лихбан бадали, душваъ гъитнийи.
13Халдеяри РАББИЙИН Хулаъ айи кемшрин мурхьлар, шид убзру гъабарикк ккивру бицӀи чархар ккайи кемшрин аьрабйир, «гьюл» ччвур али кемшрин гьявуз гъюргънийи ва кемшир Вавилондиз гъубхнийи. 14Гьацира дурари бетйир, бицӀи кьасйир, лампйирин пилтйир гьадатӀру убрушвар, РАББИЙИН Хулаъ ишлетмиш апӀури гъабхьи вари кемшрин гъаб-гъажагъ гъухнийи. 15Паччагьдин гъаравларин аьхюри марцци гъизиликан ва арснакан дапӀнайиб вари – ицциб ниъ хъайи шейʼар ургуз вуйи гъабар ва ифи кубзру захар – гъухнийи.
16Сулейманди РАББИЙИН Хулаз гъапӀу кьюб мурхьлин, гьявуздин ва аьрабйирин кемшир ебцуз даршлубкьан гизаф вуди гъабхьну#25:16 Лиг 3 Пачч. 7:15-47.. 17Гьарсаб мурхьул йицӀимиржиб юкӀ#25:17 ЙицӀимиржиб юкӀ: тахминан 9,5 метр. ягълишин алиб вуйи. Кемшрикан дапӀнайи мурхьлиин иливрубдин ягълишин шубуб юкӀ#25:17 Шубуб юкӀ: тахминан 1,5 метр. вуйи, думу кемшрин зунжрихъди ва кемшрин нарарихъди дабалгнайи. Гьациб вуйи тмуну мурхьулра.
18Паччагьдин гъаравларин аьхюри Заанурин сарпи гъуллугъчи Серая, дугъахъна кьюрпир вуйи Заанурин гъуллугъчи Цепаная ва РАББИЙИН Хулан раккнар уьрхру шубур кас йисирвализ гъадагънийи. 19Шагьриъ гъузнайидарикан дугъу гъалайиъ айи эскрариз табшуругъар тувру сар гъуллугъчи ва хьур кас паччагьдин насигьятчйир йисирвализ гъадагънийи. Гьацира дугъу уьлкейин кьушмиз инсанар гъядягърур ва шагьриъ гъидихъу дугъан йирхьцӀур кас йисирвализ гъидиснийи. 20Невузарданди дурар вари Вавилондин паччагьдихьна Ривлайиз гъухнийи. 21Хамат вилаятдиъ айи Ривла шагьриъ Вавилондин паччагьди дурар йивну йикӀуз амур гъапӀнийи. Гьаци Ягьудайин агьалйир чпин жилилан алдаънийи.
Гедалия Ягьудайиъ гьяким хьувал
22Вавилондин паччагь Навухаднасари Ахикамдин бай, Шафандин худул Гедалия чав Ягьудайиъ гъибту халкьдиин гьякимди тяйин гъапӀнийи. 23Вавилондин паччагьди Гедалия гьякимди дерккуваликан гъеебхьиган, кьушмарин вари аьхюрар ва дурарин инсанар Гедалияйихьна Мицпа шагьриз гъафнийи. Дурар Нетанияйин бай Уьсмяил, Къареахдин бай Юханан, Нетоф шагьриан вуйи Танхуметдин бай Серая, Мааха вилаятдиан Язания ва дурарин инсанар вуйи. 24Дурар ва дурарин инсанар архаин апӀбан бадали, Гедалияйи дурариз ху гъапӀнийи. Дугъу гъапнийи:
– Халдей гьякимарихьан гучӀ мапӀанай. Уьлкейиъ бина йивай, Вавилондин паччагьдиз гъуллугъ апӀинай, ва учвуз ужуйи хьибди.
25Амма ургубпи вазли Нетанияйин бай, Элишамдин худул, паччгьарин тухумдиан вуйи Уьсмяили, йицӀур кас хъади дуфну, Гедалия ва дугъахъди Мицпайиъ айи ягьударна халдеяр йивну гъакӀнийи. 26Дидин кьяляхъ вари халкь, гьам касибарра, гьам девлетлуйирра, халдеярихьан гучӀури, кьушмарин аьхюрарихъди сатӀиди Египетдиз гьергну гъушнийи.
Якин паччагь дустагъдиан азад апӀуб
27Ягьудайин паччагь Якин йисирвализ гъадагъхъанмина сумчӀурна ургудпи йисан Вавилондин паччагь Эвил-Мерудах гъахьнийи. Учв паччагь гъахьи йисандин йицӀикьюбпи вазлин къанна ургудпи йигъан дугъу Ягьудайин паччагь Якин дустагъдиан деетнийи. 28Эвил-Мерудахди Якиндихъди дуствалиинди гафар апӀуйи, дугъу думу чахъди Вавилондиъ гъахьи вари паччгьартӀан зади дисуйи. 29Якинди чан дустагъдин палтар гьюдюхнийи, ва дугъу чан уьмрин имбу йигъари гьарган паччагьдин суфрайихъ уьл ипӀуйи. 30Чан имбу уьмриъ дугъаз лазим вуйиб вари гьарган паччагьдихьан тувуйи.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023