Sirac 51
51
1Men-iyamanak ken sik-a apo ay ali.
Daydayawek sik-a ay Diosko ay mangisalsalakan.
Owen, men-iyamanak ken sik-a
2tay nangbadang ya nangsalaknibka.
Insalakanmo sak-en isnan tetey
ya isnan kaeegyat ay kamkampot
ya isnan menpabpabasol.
3Nangbadangka isdin maid mangkayat ay bomadang.
Gapo is seg-angmo, nang-isalakanka
isnan adoado ay ngawi
ay inom-ommat ken sak-en
ya isnan pilmi ay liget di mangbosboso
ay mangkayat ay mangpatengga isnan biyagko.
4Nangbadangka pay isnan maisob-okanak
isnan kaneg mensede ay asok
ay magapgapo isnan apoy ay bakenak is nangpasged.
5Ya nangisalakanka isnan tetey
ay nagapo isnan pamabpabasol ay naisipsipsip isnan ali.
6Isnan namingsan pay et matmateyak,
7nangliwes nan boso
daket omanap is bomadang ngem maid polos ipogaw is maanapak isdi.
8Ngem daket manemnem apo nan kinamanagseg-angmo
ya din inik-ikkam isdin nallos ay timpo.
Nanemnemko ay badangam nan mentalek ken sik-a
dakapay isalakan daida isnan mangbosboso ken daida.
9Dat isnan kakad-ak isna batawa et nindawatak ken sik-a
ta isalakanmo sak-en isnan tetey.
10Siya na nan linowalok,
“apo, sik-a nan amak.
Adim koma baybay-an sak-en isnan ligatko
ya isnan kamaid kabaelak ay manggobat
isnan makedse ay mangbosboso ken sak-en.
11Awnitko daydayawen sik-a
dakpay ikankantaan sik-a is kantan di panag-iyaman
tay sinongbatam nan dawatko.
12Insalakanmo sak-en isnan pang-eg-egyat ay mateyak
isonga men-iyamanak ya dayawek sik-a apo.
Owen, daydayawek sik-a.”
Sélection en cours:
Sirac 51: xnn
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.