Aller au contenu

Versets bibliques populaires de Matiyu 5

1

Matiyu 5:15-16

for

Pigoya, ka'waina kane igi'magina kampa kankabe maema airari kaetantana, marunkata igi'ma atakana, nama nkantabaipinti e'wasaba a'ya'ma kina puwaitakiye. Tigeba etimpaba pabiyama wasana e'wasa puwaitano. Igeba aogima mikenaenari agaigina aogi pekini, mantari tibarimpa nkage asaga'yuyewo, piya untiye.

ComparerExplorer Matiyu 5:15-16

2

Matiyu 5:14

for

Pigoya, tigeba wasana ikapi kane kanta puma mintawe. Piya, kuma ka amuta abora waintakanaba, asekapa e'wasaenawapa a'ya'ma wasanamiba agakibewe.

ComparerExplorer Matiyu 5:14

3

Matiyu 5:8

for

Aguntaena kampa napiye kina, igeba aintiba Kotipa agamagini i'muntanabi mikibewe.

ComparerExplorer Matiyu 5:8

4

Matiyu 5:6

for

Iga'ena ibemi kina, igeba naninta wanika ibemisa puma Koti nkarupuyena ibemi kina, igeba aintiba iga'e pakini i'muntanabi mikibewe.

ComparerExplorer Matiyu 5:6

5

Matiyu 5:44

for

Pika naeba urimukuwa, abiyo: Kama kinatipa agu kao'ena puwaitantiri, karana purita kina igeka napima nunamu yiyo.

ComparerExplorer Matiyu 5:44

6

Matiyu 5:3

for

Igu'amaka abegana kusi miye kina, igepa Koti kabiwaitakini i'muntanabi mikibewe.

ComparerExplorer Matiyu 5:3

7

Matiyu 5:9

for

I'ima paru puwaita kina, igeka Kotiba: Yagara araganene uwaimekini, i'muntanabi mikibewe.

ComparerExplorer Matiyu 5:9

8

Matiyu 5:4

for

Intara'enabi miye kina, igeba aintiba mantarasaena intawama asoyaena pekini, i'muntanabi mikibewe.

ComparerExplorer Matiyu 5:4

9

Matiyu 5:10

for

Arupuyenaraka karana puwaitagini miye kina, igepa Koti kabiwaitakini i'muntanabi mikibewe.

ComparerExplorer Matiyu 5:10

10

Matiyu 5:7

for

To kina'mika intara pe kina, igepa aintiba Koti antara puwaitama iyo'maeyakini, i'muntanabi mikibewe.

ComparerExplorer Matiyu 5:7

11

Matiyu 5:11-12

for

Pigoya, naeka wasanami kamparaga kamana uritama, karana puritama, agunta kamana uma kumpari uritagiripa, aintiba ti'muntanabi mikibewe. Piya, tigeba aintiba aogi ikantanaripa mantariba taberaka'yane. Pika ti'mu puma tinta asoya puma miyiyo. Paipa wasanami poropete mintanta kinapa pabiyama karana puwaitantawe, piya untiye.

ComparerExplorer Matiyu 5:11-12

12

Matiyu 5:5

for

Agoya puwaita kina, igeba aintiba aogi kumapa maema mimagini, i'muntanabi mikibewe.

ComparerExplorer Matiyu 5:5

13

Matiyu 5:13

for

Tigeba wasana ikapi mimagiri, kayo kanta puma mintawe. Pigoya, kayo i'nisama kasigabekapa, aya pekana to kake asabama iga pikiye. Pipa kampaye. Piyaena pikenaba kampa waintiye. Uwa asunu kaegasagini, wasanami pita'i nasi nasi puma aeyese pewe.

ComparerExplorer Matiyu 5:13

14

Matiyu 5:48

for

Abiyo. Tigeba mantarisa tibarimpa aota miyemisa puma, pabi nkawameta miyiyo, Isu piya untiye.

ComparerExplorer Matiyu 5:48

15

Matiyu 5:37

for

Pigoya, pika kamanatipa tagaka owe uma, pabiyama aegaraiyo. A'a uma, pabiyama aegaraiyo. To nara uma esegi pukibepa, pi kamanapa ke kinapisa aboraye, piya untiye.

ComparerExplorer Matiyu 5:37

16

Matiyu 5:38-39

for

Pigoya, paipa kamana maya untine: Ka'waina kaoga airikakanapa, antota airikao, iye. Piya, kawa aibarara pekanapa, antota aepa pabiyama aibarara po, untine. Piya kamana abintawa, pika to kapa naeba urimukuwa, abiyo. Tiyeguma karana titakena pigiripa, antotapa a-nkataenaba puwaitaiyo. Pika ka'waina katamara kaeguyekanapa, to ka auka'i a'wae puma amo.

ComparerExplorer Matiyu 5:38-39

17

Matiyu 5:29-30

for

Pigoya, ka kaowama aguntaena pikena pekanapa, pi'ma maebugaso. Tarayaga kao waintakanapa kaeba a'abibinti tumisanaga, aogima kabiyo. Kayatakantisa aguntaena pikena pekanapa, arisa'ma maebugaso. Aogi kiyenayaga waima kaeba a'abibinti tumisanaga, aogima kabiyo, piya untiye.

ComparerExplorer Matiyu 5:29-30

Plans de lecture et méditations gratuites relatifs àMatiyu 5

Lire Matiyu 5