Versets bibliques populaires de RUUMIYA 4

Partager

A’di diki aṯẖ mo jin gamu gwo is ki sule/ mo be. A’di dina a’di ki dumbul mo gom gwo jin okin ma Arumgimis is mo. Hili a’di ’bi’thkunu is mo e moŋgam gwo is mo me’d jin karkina a’di Arumgimis ki ca mo be. Dhali a’di ṯelu sho’k mo ki gwo eya du mo ka Arumgimis mishi mii a’di jin okina a’di is mo be.

Me’d Gwo jin ’kwarkunu mo mmo/o gwo mo ki: /E karkika/ mo mmota adhana baba gi kal gi ’kwaniny’cesh ka ris mo – e buŋ’kus ma Arumgimis mo, a’di jin gama a’di gwo is mo jin c̱iki moŋ’koki/e mo gom uni gun wukin mo dhali yuḵa yuḵ ki to gun ’koki ’ko mo me’d to gun ’kokin mo be.

A’di jin karkunu mo mmowu mo goma adhiŋ gwom bana ’baar mo dhali jin pikunu mo ki ana minu dhu ki mo ma ḵar/e mo be.

Dhali ki mo ma ’teŋ kap̱e/ jin peki’d mo tani a’di gamki gwo is naskina/ mo ka ’teŋ kap̱e/ mo ki a’di midi ’taki ta adhana baba gom kal gi ’kwaniny’cesh ka ris mo me’d gwo jin ṯorkunu a’di mo ki: Wakan be emen pini mini ’ko mo be.

Haali/ gom gwo gi wakan mo tani a’di ta ji gi gamu gwo is mo, ki gwo jin onu is min ma ’the cil mo dhali ki a’di minu ṯel sho’k mo gom emen piti ’baar mo, yisa gom jasi uni gun ha gwoŋḵan jin c̱inu e mo, uni ’cena yisa, hili gom uni si’da/ kun nyaḵ gwo gam is ka Ibrahiim mo be. Haali/ a’di ta’da adhana baba gom ana ’baar mo be.

mmo/o gwo mo ki: Mom’bor mii gom uni gwansan uni gun dhalkunu adhiŋ gwom buni ’pen mo, dhali miinthus buni si’da/ kumkunu ’kup̱ mo be. Mom’bor mii ap̱o/ wathi/ jin mina Tap̱a Arumgimis diki kar miinthus piti mo be.

Haali/ gwo wakata jin ’kwarkunu mo e Gwo ma Arumgimis mo mmo/o ka: Ibrahiim gamki’da Arumgimis gwo is mo, dhali a’di kar a’di ki mo ma ḵar/e mo be.