Versets bibliques populaires de Éxodo 15

Partager

Nitohaneein jetaote: “Esinae rauhijiriin caa caitoonjoan aonaain tonoraau, Canu inara Coaunera nichaaune aitoonjoan rauhi tonoraaichene, coatiha Egipto cocoaichacuru cairichaanu jaaque inara cairicharinaauni. Canune inara Coauneraneein inara cunai caje inara rautareeuni”, nae jetao acaauru rai Cana coaunera.

Nitohaneeina, Cana Coaunera nii canu lararajiaain, canu ichoteratera rai caa nenateeun. Acate Cana Coaunerane, nii jauna coroajeein. Aca techu, canu fojiaraauru Coaunerane; nihei chuni amurijiriin nei.

Nitohanihara Cana Coaunera; nihei chuni chosichuru ii rijijieein neita. Nihei esinae rauhijiriin, Cana Coauneraneeine amurijiriin itocohaneein nei. Nii jaunte, jataain coasinacaain cojoaelanaacojoai ichaai. Iite, jataain coasitanacaineein neei.

Nii iicha ichoteratecuri cachaauru belaitohine aina cuaainte acaauru suujua rucujueein sirinaariquiin. Nitohaneeinte iicha chana nainei ichaain ii que banijiaain nenaa loreri asaae amanajariquiin.

Inae Mara turuhin jetaote, ecu nenaa acau conaa nainecurene, jataain elonaa nii ecu nenaa acaune jaun. Nii jaun jetaote, nii jelai curuaateeure Maraneein. Nii jaun jetaote, inae baasoneein Moisesa que ereeuruhane nunuheteeure cachaauru. Nii jaun jetaote: “Chaa caje eruhin acau corichaache”, naain jetao caje bajaaure. Nii jaun jetaote, coroatajaniha Cana Coaunerane coina caje bajae Moisesa. Nii jaun jetaote, leinjiin arbostoneein nenaa enuha laaojoiri coaaratiha que Cana Coaunerane jaun jetao, coaraain acauhanau nii enuha laaojoiri arbosto jaoha Moisesane jana, inae ichonaineein nerotoe nii acau elonai. Ecu jetaote, acaauru coujuhin acaauru coaraain esinae rauhijiriin tonoraain ichaaoruhane coina, acaauru rai leinjiin rauhi te Cana Coaunera.