Versets bibliques populaires de Éxodo 11

Partager

Nii jana jetaote: “Jaitina Faraaon choae, rai cachaauru letoaaurera, satiin Egipto cocoaichacuru naaonjoaihunri choae cunai nalutihareeunicha. Nii banate laen, inara jianiha cureein Faraaon. Niheichu raujiaain amuhincheneecha coina inara jianeriaain. Chaaen techu, nii ichoae tacaain, caalai caje inara sitareein Faraaon.

Egipto cocoaichacuru calaohichuru nihanacuru, chaaen rai inaca nelaurianaja rori caohatiin oro que conaanojoineein nenaa raotono nichajai que nelauriaanaa Faraaon calaohi inana netonaite oreein. Chaaen nii cairicheineein, omane tutuera que amianenacaauru bereecuru inanacuru, chaaen acaauru irihuru carenerocuru, bacaauru, naaonjoaihuri, jauriaa nejeein calaohichuru nunuheneein nenacaaurune maajeeinte ohorureeincha. Nitohaneeinte, itolereneein Egipto batane que, cojioriin chanaa cuurureein Egipto cocoaichacuru. Coatiha chabana inoaenlu caje coaauneein, nitohanai coaraain neeuruhilu niqui, nihein chu nii baiha nerinaain nitohanai’, naain jetao Moisesa que berate cana coaunera Faraaon rai.

Nii baiha jetao, “Nihein coatiha inara ere tonorarihaain Faraaon. Nitohanihate cureein. Nii janane Egipto batane choae cojoaelanaacojoai tabai caseteco nalutiaain coaaratereeuni Egipto cocoaichacuru que”, nae jetao Cana Coaunera Moisesa rai.