Versets bibliques populaires de رُومَا 2

Partager

وْنْتَ آ اللِّي كَتْحْكَمْ عْلَى اللِّي كَيْدِيرُو بْحَالْ هَادْ الْأُمُورْ وْكَتْدِيرْ بْحَالْهُمْ، وَاشْ كَتْضَنّْ بْلِّي غَتْفْلَتْ مْنْ الْعِقَابْ دْيَالْ اللَّهْ؟ وْلَا يَاكْمَا كَتْحْتَقْرْ لُطْفْ اللَّهْ الْكْبِيرْ وْالصّْبَرْ وْالتَّحَمُّلْ دْيَالُه، وْنْتَ مَا عَارْفْشْ بْلِّي لُطْفْ اللَّهْ هُوَ اللِّي كَيْدِّيكْ لْلتُّوبَة؟

عْلَى هَادْشِّي، رَاهْ مَا عَنْدْكْ حْتَّى عُدْرْ كِمَا بْغِيتِي تْكُونْ آ اللِّي كَتْحْكَمْ عْلَى نَاسْ خْرِينْ، حِيتْ مْلِّي كَتْحْكَمْ عْلَى غِيرْكْ وْنْتَ كَتْدِيرْ دَاكْشِّي اللِّي كَيْدِيرُه، رَاكْ كَتْحْكَمْ حْتَّى عْلَى رَاسْكْ.

حِيتْ اللَّهْ مَا كَيْدِيرْشْ الْوْجْهِيَّاتْ.

مَاشِي اللِّي كَيْسَمْعُو لْلشّْرَعْ هُمَ اللِّي مْتَّاقْيِينْ عَنْدْ اللَّهْ، وَلَكِنْ اللِّي كَيْدِيرُو بْالشّْرَعْ.

وْغَيْجَازِي كُلّْ وَاحْدْ عْلَى حْسَابْ الْأَعْمَالْ دْيَالُه

وَإِمَّا بْالْغَضَبْ وْالسَّخْطْ عْلَى هَادُوكْ اللِّي كَيْضَادُّو اللَّهْ، وْكَيْرَفْضُو الْحَقّْ، وْكَيْتْبْعُو الضُّلْمْ.

وَلَكِنْ بْسْبَابْ قْسُوحِيَّةْ قَلْبَكْ وْالْعْنَادْ دْيَالْكْ، رَاكْ كَتْجْمَعْ لْرَاسْكْ غَضَبْ اللَّهْ لْلنّْهَارْ دْ الْغَضَبْ، اللِّي فِيهْ غَيْبَانْ بْلِّي اللَّهْ كَيْحْكَمْ بْالْعَدْلْ عْلَى النَّاسْ،