Versets bibliques populaires de رُومَا 11

Partager

عْلَاحْقَّاشْ مْنُّه وْبِيهْ وْلِيهْ كُلّْشِي. لِيهْ الْعَزّْ عْلَى الدّْوَامْ. آمِينْ.

شْحَالْ كْبِيرْ الْغِنَى وْالْحْكْمَة وْالْعِلْمْ دْيَالْ اللَّهْ! حْتَّى وَاحْدْ مَا يْقْدَرْ يْعْلَمْ عْلَى حْكَامُه وْيْفْهَمْ طْرْقَانُه!

«شْكُونْ اللِّي عْرَفْ الْأَفْكَارْ دْيَالْ الرَّبّْ؟ وْشْكُونْ اللِّي يْقْدَرْ يْنَصْحُه؟

وْهَكَّا، حْتَّى فْهَادْ الْوَقْتْ رَاهْ بَاقْيِينْ شِي وْحْدِينْ خْتَارْهُمْ اللَّهْ بْالنِّعْمَة. وْإِلَا خْتَارْهُمْ اللَّهْ بْالنِّعْمَة، رَاهْ مَاشِي عْلَى حْسَابْ الْأَعْمَالْ، وْلَّا رَاهْ النِّعْمَة دْيَالْ اللَّهْ عَمّْرْهَا مَا غَتْكُونْ نِعْمَة.

وْإِلَا تّْقْطْعُو شِي عْرُوشْ مْنْ شَجْرَة دْ الزِّيتُونْ، وْنْتَ اللِّي رَاكْ عَرْشْ مْنْ شَجْرَة دْ الزِّيتُونْ نَابْتَة فْالْخْلَا تْلَقّْمْتِي فْبْلَاصْتْهُمْ، وْوْلِّيتِي مْشَارْكْ فْالجّْدْرْ دْيَالْ شَجْرَةْ الزِّيتُونْ وْالْمَا اللِّي فِيهَا، مَا تْفْتَخْرْشْ عْلَى الْعْرُوشْ اللِّي تّْقْطْعُو. وْكِيفَاشْ غَتْفْتَخْرْ وْنْتَ مَا هَازّْشْ الجّْدَرْ، وَلَكِنْ الجّْدَرْ هُوَ اللِّي هَازّْكْ؟