Versets bibliques populaires de Lúka̱s 17

Partager

A̱ꞌkhue̱n Jesús niꞌthúun xa̱bo̱ tsúꞌkhue̱n: «Araxu̱unꞌ jamí ayu̱uꞌ. Niꞌni̱i a̱kia̱anꞌ numuu rí wéje̱ a̱kia̱anꞌ ná inuꞌ».

Maske máꞌ mbá juwan nothon naꞌnii̱ aꞌkhán ná inaaꞌ rí mbá mbiꞌi, jamí xkuaꞌnii máꞌ mbá juwan nothon nathangaa̱ naꞌtháa̱nꞌ: “Athane̱ mba̱a̱ a̱kia̱anꞌ xtayoꞌ”, athane̱ mba̱a̱ a̱kia̱anꞌ xtayáa̱».

Mbáa xa̱bo̱ tsúꞌkhue̱n, ído̱ ndiꞌyoo̱ rí niꞌni̱i a̱kuii̱n, nithangaa̱ inuu Jesús jamí neꞌne-mba̱a̱ Ana̱ꞌlóꞌ ga̱jma̱á mbá xúgíí a̱ꞌwóo̱. Nismáti̱go̱o̱ inuu Jesús jamí asndo mbayíí niꞌgíi̱ inuu̱ rí naríguu̱ gamaku inuu. Ná numbaa Samária̱ i̱ꞌkha̱ xa̱bo̱ tsíge̱ꞌ.

Ikhaa jngó, ¡gu̱ña̱wa̱n-mijnálaꞌ! Xí mbáa dxájwaaꞌ naꞌne aꞌkhán ná inaaꞌ, ataxpríguíi̱. Jamí xí nathanga̱a a̱kuii̱n, athane̱ mba̱a̱ a̱kia̱anꞌ xtayáa̱.

A̱ꞌkhue̱n niꞌthán Jesús: «Á ra̱ꞌkhá mbá gu̱wi̱inꞌ xa̱bo̱ tsí ni̱gata̱a nandii ná xuñúú dxe̱ꞌ. Náá nigóó tsí i̱mbá mijnagu̱wi̱inꞌ rá.

A̱ꞌkhue̱n rí Táta̱ niꞌthúu̱n: ―Xí numuu rí wéje̱ a̱kia̱nꞌlaꞌ ju̱yo̱ꞌ, maske asndo mbá lájwíin xómá phú lájwíin tsígoo ya̱ꞌwo̱ mostása̱, ma̱goo mu̱tha̱ánlaꞌ ixe̱ rí wéje̱ ndaꞌya a̱ꞌkhue̱n: “Atrubu-mina̱ꞌ ge̱jyoꞌ jamí ayu gátha̱du-mina̱aꞌ ná awúun iya a̱pha̱”, jamí ixe̱ ma̱ꞌne-mbánuu rí mu̱xna̱-ñájwíínlaꞌ.

Jámba̱a̱ tsí nandoo gáꞌne-jríya̱a̱ꞌ mbiꞌyuu, ma̱ndáti̱go̱o̱ ne̱. Jamí jámba̱a̱ tsí nandáti̱go̱o̱ mbiꞌyuu, tsúꞌkhue̱n tsí ma̱jríya̱a̱ꞌ.

Jesús niꞌthúún tsí naꞌsngúún: «Tsitsíí ma̱ri̱gá rí ma̱ꞌne-rájíin xa̱bo̱ rí mune̱ aꞌkhán. I̱ndo̱ó máꞌ numuu rí ¡phú mingínáa xa̱bo̱ tsí naꞌne rí mune̱ aꞌkhán i̱ꞌwíin! I̱wa̱á máján rí ma̱xtuꞌwájma mbá itsí mba̱a̱ drígo̱o̱ tse̱no̱ ná aphuu xa̱bo̱ tsúꞌkhue̱n, jamí mi̱ꞌdaa̱ ná awúun iya a̱pha̱ ma̱xmáto̱ꞌo̱o̱, xó rí ma̱ꞌnii̱ rí ma̱ꞌne aꞌkhán mbáa tsí lájwíin ge̱jyoꞌ.

»Xómá niríga̱ nákhí mbiꞌi rí nixtáa Noé, xkuaꞌnii máꞌ gáríga̱ mangaa ído̱ rí ma̱ꞌkha̱a A̱dée Xa̱bo̱ Numbaa. Nákhí mbiꞌi rí ñúꞌún, napeꞌtso jamí naꞌwa̱a̱n xa̱bo̱, nu̱ni̱ꞌgúún xa̱bekha jamí nu̱nújún go̱ꞌo̱, asndo ni̱ga̱nú mbiꞌi rí ni̱to̱ꞌo̱o̱ Noé ná awúun guꞌwá-rguwa. A̱ꞌkhue̱n nixnúu mi̱ndaꞌkho ruꞌwa jamí nijáñúú mbá xúgíin xa̱bo̱.