Versets bibliques populaires de မဿဲ 8

Partager

ထိုအခါ ကိုယ်တော်က သူတို့အား “ယုံကြည်ခြင်းအားနည်းကြသောသူတို့၊ အဘယ်ကြောင့် ဤမျှကြောက်လန့်နေကြသနည်း” ဟုမိန့်တော်မူပြီးလျှင် ကိုယ်တော်သည် ထ၍ လေနှင့်လှိုင်းများကို ရပ်တန့်ရန် အမိန့်ပေးလေရာ လေနှင့်လှိုင်းများသည် ချက်ချင်းပင် ငြိမ်သက်သွားကြလေ၏။

ထိုတပ်မှူးက “အရှင်၊ အရှင်ကိုယ်တော်တိုင် အကျွန်ုပ်၏အိမ်ခေါင်မိုးအောက်သို့ ဝင်ရောက်ကုသပေးရန် ကျွန်ုပ်နှင့်မထိုက်တန်ပါ။ အရှင်က အမိန့်ကိုသာ ပေးလိုက်လျှင် ကျွန်ုပ်၏အစေခံသည် ပြန်လည်ကျန်းမာလာမည်ဖြစ်၏။

ကိုယ်တော်သည် ထိုစကားကို ကြားသောအခါ အံ့ဩတော်မူ၍ နောက်တော်သို့လိုက်ပါလာသောသူများအား “သင်တို့အား ငါအမှန်ဆိုသည်ကား ဤမျှလောက်ယုံကြည်ခြင်းကြီးမားသူကို အစ္စရေးလူမျိုးတို့၌ ငါမတွေ့ဖူးပေ။

ထို့နောက် ရောမတပ်မှူးအား “သွားလော့၊ သင်၏ယုံကြည်မှုသည် သင့်အစေခံအား ကျန်းမာစေခဲ့ပြီ” ဟုမိန့်တော်မူလိုက်ချိန်တွင် ချက်ချင်းပင် တပ်မှူး၏အစေခံသည် ရောဂါပျောက်ကင်းသွားလေ၏။

ထိုအခါ တပည့်တော်များသည် အလွန်အံ့ဩလျက် “ဤသူသည် မည်သို့သောသူနည်း။ လေနှင့်လှိုင်းတံပိုးများပင်လျှင် သူ၏အမိန့်ကို နာခံကြရပါသည်တကား” ဟုပြောဆိုကြလေ၏။