Versets bibliques populaires de Mark 2

အဲမျိုးပြောဇာဝို ကိုယ်တော်ကြားခါမှာ "ကျန်းမာရေးကောသူဒွေဟ ဆရာဝန်မလိုရ၊ ရောဂါဝေဒနာရှင်ဒွေဟသာလိုအပ်ရယ်။ ငါဟကိုယ့်ကိုကိုယ်ရိုးသားဖြော့မတ်သူဒွေဆိုပီးထံထားဝိုလူဒွေတွက်ကြွရော့လာဇာမုဝ၊ ကိုယ့်ကိုကိုယ်ပြစ်ရှေ့ကြောနားလည်ဝိုလူဒွေတွက်သာ ကြွရော့လာခြင်းဖြစ်ရယ်" ဆိုပီး ကိုယ်တော်ဟ ပလန်လည်မိတော်မူလေရယ်။

အဲလူဒွေရဲ့ယုံကြည်ချင့်ဝိုဗျင်ရခါမှာ ကိုယ်တော်ဟ "ချစ်သား၊မင်းရဲ့ဒုစရိုက်ဒွေပြစ်ဝို ခွမ့်လွှတ်လိုက်ပါပီ" ဆိုပီး ပြောလေရယ်။

အဲနော့ကိုယ်တော်ဟ "ဘုရားရှင်ဟ ဥပုသ်နေ့တွက်လူသားဒွေဝိုဖန်ဆင်းဇာမုဝ။ လူသားဒွေကျိုးတွက်သာဥပုသ်နေ့ဝိုဖန်ဆင်းခြင်းဖြစ်ရယ်"

အဲလူဒွေဟ ကိုယ်တော်ဆီရော့အော် လူအုပ်ကီးဝို တိုးမပေါ့နိုင်ဘဲဖြစ်နေရယ်။ အဲခါသူ့နို့ဝ လူနာဝို ကိုယ်တော်ဆီဝိုရော့အော် အီခေါ်မိုးဝိုဖော့ပီးအော့ဝိုဆွဲခလလိုက်ရာ လူနာဟ ကိုယ်တော်ဆီဝိုရော့သွားလေရယ်။

"လူ့သားတော်"မှာလူဒွေရဲ့အကုသိုလ်ဒုစရိုက်ဝို ခွမ့်လွှတ်နိုင်ဒဲ့အာဏာရှေ့ဇာဝိုပြမယ်" ဆိုပီးပြောပီး "ထပါ၊ ဖျာဝိုသီးပီး အီပလန်ပါ" ဆိုပီး လူနာဝိုမိတော်မူလေရယ်။

"ခမ်ဗျားဒို့ဟဲဖြစ်ရိ အယ်မျိုးတွီးနေကေ့နူး၊ အဲလူရဲ့ဒုစရိုက်ပြစ်ဒွေဝို ခွမ့်လွှတ်ရယ်ဆိုပီးပြောဇာဟလွယ်လော၊ အဲမျိုးမုဘဲနေဆိုဝါ အယ်လူဝို "ထပါ၊ မင်းအိယာဝိုသီးပီး လမ်းလျှော့လိုက်ပါ" ဆိုပီး ပြောဇာဟ ပိုပီးလွယ်ကူရယ်ဆိုဇာ မုဝလော" ဆိုပီးမေးတော်မူလေရယ်။

အဲလူနာဟ ချင့်ချင်းမတ်တပ်ထရပ်ပီးဖျာဝိုသီးပီး လူဒွေရှေ့ဟနေထွက်သွားခါမှာ လူဒိုင်းအံ့ဩသွားလေရယ်။ အဲခြင်းရာဝို ဗျင်လူဒွေဟ "အယ်မျိုးဖြစ်ပျစ်မျိုးဝို ခါမှတွီ့ဖူးရ" ဆိုပီးပြောလျှက် ဘုရားရှင်၏ဂိုးတော်ဒွေဝို ချီးမွမ်းကေ့လေရယ်။