Versets bibliques populaires de मत्ती 28

Partager

ओउःत झ्‍यान्‍ते सबै जात्‌कोः मान्‍तालम्‌कःताङ् आल्‌ती ङाकोः कुरा स्‍यान्उसु। ओहाङःसैको परमेस्‍वर्‌ आपाकोः मय्‍ङ्‌मा ङाकोः मय्‍ङ्‌मा परमेस्‍वर्‌कोः ग्‍वालामःकोः मय्‍ङ्‌मा पेह्‌ती बाप्‍तीस्‍मा बयःउसु। ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

ओहाङःसैको ओउः मोमःचोःलम् वाङ्‌ती “लौ रैतेःचनै ओउः ङ्‌हासै क्‍ल्‍याय्ओ सीङःहाङः सात्ओ येसुकायः बोङःतेःनानी एत ङाइ चीःनाङः ओउःपाय् इहाङःलेः खेःल। ओउःइ ङ्‌हासै तोओलो लेखा उह्‌ती च्‍योक्ओआः। लौ प्रभुकोः मेस् इस्‌ती गम्ओ थाव्‌पाय् योलाङ् वाङ्‌न दै।

एत हायःतोक्‌हाङः “लौ रैतेःचनै ङाकोः पुःचोङ् हौचोङ्‌लम्‌कःताङ् आल्‌ती ‘लौ गालीलताङ् आल्‌न। ओहाङः नीङ्इ येसुकायः क्रुस्‌तेःनानी’ त दाय्‍ह्ओ ओउःमयःकायः तोनुसु दा” त दाय्‍ह्‌ती येसुइ तोआथास।

ओउःत झ्‍यान्‍ते ओउः कुरा सायःआक्‌तीको अरु यहुदीलम्‌कोः ताङ्‌ह्ओ मान्‍तालम्‌कुस् हुम्‌ती नोःकाय्आक्‌तीको ओउः सीपाहीलम्‌कायः नाःतो पैसा बयःआकानी। “लौ सबै मान्‍ताकायः ‘येसुकुस् वाह्ओमयः याह्‌दीङ्‌हाङः वाङ्‌ती ङी एनःओ बेलाहाङःपाय् येसुकोः म्‍हाङ् कुःआकानी’ त दाय्‍ह्‌ती तोनु। ओहाङःसैको इ कुरा अन्‍चलादीस्इ सायःचौ त खेःया ङी ओउःकःताङ् होम्‌काय्‌ती नोःलाङ् आल्‌ती ओउःकुस् कुरा पेतो स्‍याव्‌ताक्‌नाङी ओहाङःसैको नीङ् ल्‍हुङ् र्‍याङःसा परतेःल” त दाय्‍ह्‌ती सीपाहीलम्‌कायः स्‍यान्‌ती तोआकानी। फेरी ओउः सीपाहीलम्इ पैसा त्‍याक्‌ती ओउः ताङ्‌ह्ओ मान्‍तालम्इ स्‍यान्ओलो लेखालेः ल्‍हाक्आकानी। ओउःत झ्‍यान्‍ते तेन्‌छ्याङ्‌मा “येसुकोः म्‍हाङ्‌पाय् ओउःकुस् वाह्ओमयःइ कुःआकानी” त दाय्‍ह्‌ती यहुदीलम् नोःकाय्‌नै।