Versets bibliques populaires de Matyiu 5

Partager

Bato ba běkě vitwa yoděngo, na bâ baa ngidě viâ ibomako ja kwe, ndi ba vamaki viâ o uhângâ; na viâ vi ka věkě bwe o ba jad‘ o ndabo běhěpi. Bwe ’anyu e bumwake o bato ba jadi, ovaně nd‘ o bâ‐ba ka yěně behavu beanyu beyamu, na bâ‐ba ka bendakě Hângw‘ ’anyu a jad‘ o Hěvěn.

O ndini bwe ya he. Mboka ’něně ya longwě o ukodi yaa kutame.

Ibâtâ na ba bebumulema bea kěngěngě: ikabojana ba ka yěněndi Anyambě.

Ibâtâ na ba yokakě nja na evělě o ivaha ja bwamu: ikabojana ba ka vulandi.

Ndi Mbi vâki n‘ inyěni, na, Tândâkâni baloni banyu, vambakiyani ba hâkâkě inyěni ibâtâ, hakani ba binakě ’nyěni bwamu, n‘ inyěni o ka kalakiyani o pělě ’a ba ngongolakidě ’nyěni, na ba hakě ’nyěni njuke

Ibâtâ na ba nyamakě o melema; ikabojana ipangiya ja Hěvěn i nd‘ ijabu.

Ibâtâ na balati ba monga: ikabojana ba ka tubwi na bana ba Anyambě.

Ibâtâ na ba yěněkě ngěbě ikabojana ba ka yenudwěndi mbya.

Ibâtâ na ba hakwě njuke o pělě ’a bwam‘: ikabojana ipangiya ja Hěvěn i nd‘ ijabu.

Ibâtâ na ba yěněněkiyě ngěbě: ikabojana ba ka yěnudwě tepě ngěbě.

Ibâtâ n‘ inyěni, oningě bato ba kilaka inyěni, na bâ‐ba ka haka inyěni njuke, na bâ‐ba ka timbakě inyěni jângâ ja ndaga ibe jěhěpi ja bojowa, o nyang‘ ’amě. Peyakani, n‘ inyěni o ka yěněkěni mbya ’něně; ikabojana mahomano manyu ma nd‘ o kena o Hěvěn: nonaně tepě o bâ‐ba hakidi basâki ba taki na viya njuke.

Ibâtâ na ba di hwě: ikabojana ba ka jigandi he.

O ndini vyanga via he: ndi oningě vyanga via nyangě hombo ’aju, vi ka pahiya lě pě hombo na ove? vakâna via bě te bwam‘ boa naně, na bo uhwakwě, na viâ vi ka pitakwě na beko bea bato.

Diyakani hânjâbiyěngo, panika Hângw‘ ’anyu A jadi o Hěvěn A di hanjâbiyěngo.

Ndi joyi janyu i diyake, E, e; Nyawě, nyawě: ikabojana beěhěpi be di wa na ekabe be vakiyandi o bobe.

O teni yokango na e vânâkudwi, na, Dihâ te dihâ, ihonga t‘ ihonga: ndi Mbi vâki n‘ inyěni, na, O timbakeni bobe: ndi a ka bweyě âvě ibuku ’yomi, ulwakidě mâ ipâkwě tepě.

Oningě dihâ jâvě iyomi ja panga ’vě o kâbâkâ, tongwaka jâ, na nâvě wa uhwa jâ: ikabojana e ndi bwamu na nâvě na evand‘ ’âvě yâkâ e nyangaka, ndi hanga na nyolo ’âvě yěhěpi e uhwakwě o Hěl. Tepě, oningě ikadu jâvě iyomi ja panga ’vě o kâbâkâ, lenaka jâ, na nâvě wa uhwa jâ: ikabojana e ndi bwamu na nâvě na evand‘ ’âvě yâkâ e nyangaka ndi hanga na nyolo ’âvě yěhěpi e uhwakwě o Hěl.