Versets bibliques populaires de तीतुस 1

Partager

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

जेमन केर मन-दिल शुद्ध अहे उमन लगिन सोउब चीज शुद्ध हेके, मगर जेमन बुरा अहैं आउर यीशु मसीह उपरे बिसवासी नी करैना उमन कोनोवें करैना उ शुद्ध नखे, काले कि उमन केर मन-दिल बिलकुल बुरा अहे।

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही। मगर उके गोतियामन से प्रेम करेक वाला आउर सेवा सत्कार करेक वाला, भलाई करेक केर इच्छा रखेक वाला, संयम से रहेक वाला, गलती केर पक्ष नी लेवेक वाला, पवितर आउर काया केर अंगमन के काबू में रखेक वाला होवेक चाही।

एगो सेवक के निरदोष आउर सिरिफ एके गो जनाना केर पति होवेक चाही, जेकर छउवामन बिसवासी होवोक, आउर जेकर में लुच्चा आउर मनमानी होवेक केर दोष नखे।