Versets bibliques populaires de रोमानियनमन 7

Partager

मोंय परमेश्‍वर के धन्यबाद देवोना काले कि ओहे मोके यीशु मसीह हमर प्रभु केर द्वारा छुटकारा देवी। मोंय अपन मन से तो परमेश्‍वर केर नियम के मानेक चाहोना, मगर मोंय एखनो तक पाप केर गुलाम में अहों काले कि मोर मन में बुरा इच्छा अहे।

काले कि मोंय जानोना कि मोर पापी स्वभाव में कोनों बेस चीज नी बसेला, भला काम करेक केर इच्छा तो मोर में अहे, मगर उके करेक मोर से नी होवेला।

काले कि जे बेस काम के करेक केर मोंय इच्छा करोना, उके तो नी करेक पारोना, मगर जे बुरा काम के करेक केर इच्छा मोंय नी करोना, उखे करते रहोना।

से लगिन, अगर मोंय ओहे काम के करोना जेकर इच्छा नी करोना तो उकर करेक वाला मोंय ना लगों, मगर पाप हेके जे मोर में बसल अहे।

इ लेखे मोंय इ नियम के पाओना कि जब भलाई करेक केर इच्छा करोना, तो बुरा काम के हें करोना। काले कि मोंय पूरा मन से तो परमेश्‍वर केर नियम से खुश रहोना।

आउर अगर, जे मोंय नी चाहोना ओहे बुरा काम के करोना, तो मोंय माइन लेवोना कि मूसा केर नियम भला अहे।