Versets bibliques populaires de गलातियनमन 5

Partager

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज, किरपा, भलाई, बिसवास लायक होवेक, नरम भाव आउर संयम, एइसन ब्यवहारमन के रोकेक लगिन कोनों नियम नखे।

मगर मोंय तोहरे से कहोना कि तोहरे पवितर आत्मा केर अगुवाई केर मोताबिक चलेक केर कोशिश करा। तब तोहरे उ बुरा काममन के नी करबा, जेके तोहरे केर पापी स्वभाव करेक चाहेला।

काले कि पवितर आत्मा हमरे के नवाँ जिंदगी देई हे, से लगिन आवा, हमरे अपन जिंदगी केर सोउब काममन के पवितर आत्मा केर अगुवाई केर मोताबिक करब।

आउर जेमन छुटकारा देवेक वाला यीशु मसीह से जुड़ल अहैं, उमन अपन काया के उकर इच्छामन आउर लालसामन केर समेत क्रूस उपरे चढ़ाय देई हैं।

तोहरेमन सोउब जानाला कि काया केर इच्छामन का-का हेके, मतलब ब्यभिचार, गंदा काम, लुच्चा काम, मूर्ति पूजा, जादू-टोना, बैर, झगरा, हिसिंगा, खीस, बिरोध, अनबन, एक दोसर से जलन, डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

हे बिसवासी भाईमन, तोहरेमन के परमेश्‍वर बटले आजाद होवेक लगिन चुनल जाय हे। अब तोहरे के मूसा केर नियम के मानेक केर जरुरत नखे। मगर इ आजादी तोहरे केर अपन काया केर इच्छामन के पूरा करेक केर मोका ना बाइन जाओक, से लगिन प्रेम से एक दोसर केर सेवा करा।

काले कि हमरे केर काया केर इच्छामन पवितर आत्मा केर बिरोध में अहे, आउर एहे नियर पवितर आत्मा काया केर इच्छामन केर बिरोध में काम करुवायला, आउर इ दुइयो शक्ति लगातार एक दोसर से लड़ते रहेला, इ लगिन कि जे बेस काममन के तोहरे करेक चाहाला उके करेक पारबा।

काले कि समूचा मूसा केर नियम केर निचोड़ इ एक हें आगया में पावल जायला, “तोंय अपन पड़ोसी से अपन नियर प्रेम कर।”

हमरे के घमंड नी करेक चाही, हमरे के एक दोसर से परेशान नी होवेक चाही आउर एक दोसर से हिसिंगा नी करेक चाही।

मसीह हमरे के आजाद काइर हे ताकि हमरे मूसा केर नियम के मानेक से आजाद रहब। से लगिन अपन आजादी में बनल रहा आउर मूसा केर नियम के मानेक लगिन फिन से खुद के गुलाम ना बनावा।