Versets bibliques populaires de कुलुसियनमन 1

Partager

परमेश्‍वर हमरे के शैतान केर कब्जा से छोड़ाय के अपन दुलार बेटा केर राइज में ढूकालक।

काले कि इ ओहे रहे जे सोउब कुछ के सिरजेक लगिन परमेश्‍वर केर संगे काम करलक। उकरे में समूचा चीजमन केर सिरजन होलक, स्वरग केर, चाहे धरती केर, देखल, चाहे बेगर देखल, सिंहासन होवोक चाहे राइज चलाइयामन, मालिकमन होवोक चाहे अधिकारमन, समूचा चीजमन उकरे बटले आउर उखे आदर देवेक लगिन सिरजाल जाय हे।

आउर कोनोवें सिरजाल जाएक से पहिले मसीह मौजूद रहे, आउर सोउब चीजमन उकरे में स्थिर रहेला।

केऊ हों परमेश्‍वर के देखेक नी पारैना, मगर जब उकर बेटा मनवा बनलक, तो उ परमेश्‍वर के आदमीमन केर माझे दिस्तार काइर देलक, उकरे ठिना परमेश्‍वर केर बनाल सोउब कुछ केर उपरे पूरा अधिकार अहे।

एहे लगिन हमरे हों जे दिन से इ सुइन ही, तोहर लगिन लगातार प्रार्थना आउर बिनती कराथी कि परमेश्‍वर केर आत्मा तोहरेमन के गेयान आउर समझ देवोक ताकि तोहरे उकर इच्छा के पूरा पुरी बुझेक पारबा। आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।