Versets bibliques populaires de खास चेलामन केर काम 4

Partager

यीशु केर अलावा आउर केऊ दोसर से छुटकारा नी मिली, काले कि गोटा दुनिया में आदमीमन केर माझे, कोनों दोसर नाँव नी देवल जाय हे, जेकर से हमरे के छुटकारा मिली।”

उ मनक इ प्रार्थना सिरात हें उ घर जेकर में उमन जमा रहैं हिल गेलक आउर सोउबमन पवितर आत्मा से भाइर गेलैं आउर उमन परमेश्‍वर केर बचन साहस से सुनाएक लगलैं।

अब, हे प्रभु, उ मनक धमकीमन के सुन आउर अपन सेवकमन के इ बरदान दे कि उमन साहस से तोर बचन के सुनाएक पारोक।

यीशु मसीह ओहे पखना हेके, जेके राज मिस्त्रीमन बेकार जाइन के फेइक देई रहैं, ओहे कोना केर नेव केर पखना बाइन गेलक।

पतरस आउर यूहन्ना केर साहस देइख के आउर इ जाइन के कि इमन अनपढ़ आउर साधारण आदमी हेकैं, उमन ताजुब होई गेलैं, फिन उमन के चीन्ह लेलैं कि इमन तो यीशु केर संगे रइह चुइक हैं।

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।