Versets bibliques populaires de Ebreo 9

Partager

Zeso Cristo naco zoqqueui orrarirrari. Uimasiri manaconi poua ccaccorarrari. Pouarrine icca uimasiri rricarizarrarodenipe uapi inani. Niza ccanipomazapa icca uimasiri manaconi zoqquepoma-rrarauitoui. Pouatoui imadirraro ia tonassiuauabaqquiuiuarrinena ccanipomauitoui.

Nazama narraro marinarrassa inanemaneza bani bedi emenerrine assiredeni touissomanazapa dacorehe carrini auato tarraro. Naraha Zeso Cristo emenena dacorehe denima carrirraro. Deo Poua Corime Camitta taha nama zanaporrari Zeso inadacoraza icca danirri bicabote torrauiuarrine poua ccaccorarrari Imehi Deoza. Zesopa uima cappirarrari, bodi uisso tarrari. Icca uimasiripe narrizoue rriquerreraniuarri ia touaccanitouiraha Zeso emene toccarrarorrine icca uimasiri sse inarraro. Ibodi inauissorraro. Nema nezape icca Deo camitta tarrari Attiza iboraqquiri izanaponiuarrine iparrirerraro.

Madirra ia naqui izoqquenitoui. Izoqqueraha izoqqueni orrarinitoui. Narraro nattinipe madirra bazimacca uima cattemade Deo baccouarri idomo ueza ia tocatterrizabaqquiuitoui. Pouaza toquerrenarrarideniza pocca biquehe da inanitoui, Pouaza toquerrena-rrararraridenizape pocca narrizoue inassonarinitoui.

Nazama narraro bani emenecca uimape iaza auato tarraro: Deocca zossenirriza uapima toppineraniuarrinepe bani emenezana touissorraro. Deocca zossenirriza uimasiri tomossiniuarrine naqui bani emene toccazana Deo narraro uimasiriza: —Peperri, ouati rrimani −narrari. Rrehe, maittaccazama bani emene toccarrerezape poccadeni uimasiri touisso taniuarrine ssamo taccade.

Rrehe, Zeso Cristo poua ccaccoraza poua emene toccarrarorrine pouana Deocca rrehe canirenirri zati iaza inanarraro. Arri Deocca rrehe canirenirri taideccaza madirra iboqquiri nazapa uimasiri ihinanemana narraro. Narraro uimasiri manaconi Zeso zoqquerrariparra. Nama nazapa Deo pocca madirra toquerrenauiuarrine icatterriza-baqquirrarideni pocca biquehe rriquerreranicca carrimana-zanapouitoui. Pina Deo Poua uati taporrarissa inananitoui.