Versets bibliques populaires de Lukas 6

Partager

Iiw, da ud ju iwen: En vol, âphüppet, skoddet en aurlâpen Maat skel em ju ön ju Skoat iiw. For me disalw Maat, diär I me meet, skel ju weder mêten ud.

En gud Mensk bringt wat Guds voar üt sin gud Skats ön sin Hart, en en ârig Mensk bringt wat Arigs voar üt di ârig Skats ön sin Hart. For diär dit Hart vol van es, dit lapt di Müd aur.

Man dag, hå ju Fiinder lew, dö wel en liin, sönđer dat I diärfoar wat höpe; da wel ju Loan gurt wiis, en I sen üüs lewwer Gott sin Biärner. Betäänk, hi es gud tögen Ündankbåren en Ârigen.

Diärom, wiis bârmhartig, allik üs ju Våder bârmhartig es.

Rogt ek, da ud I uk ek rogt, fordamme ek, da ud I uk ek fordammet, iiw tö, da ud ju töiwen.

Man ik si ju, diär I töhiir: Hå ju Fiinder lew; dö dânen wel, diär ju håte. Sêgne dânen, diär üp ju flök; bödige foar dânen, diär ju older nai kommen sen.

En sa üs I wel; dat ju di Lid dö skel, sa dö I jam weder.

En wan er di hokken slaid üp di jen Sjak, da hoald höm uk di Üder hen; en wan er di hokken di Mantel nemt, da slå höm di Rok ek of. Wan di hokken bedt, da iiw höm wat; en wan er hokken di dit nemt, wat din es, da kråwe dit ek weder.

For diär es niin gud Boom, diär [r]ödet Frügt bringt; en niin forrödet Boom bringt gud Frügt.

Ark Boom ud bi sin Frügt käänt. For em plokket ek Figen van di Tuurner, sa plokket em uk ek Wiindruwen van di Hoftūrns.