Versets bibliques populaires de मत्ती 2

ओहले ओ़ह खाङबाला लेप फान्‍ज्‍यो खुङया़ खाङबा नाहङला स्‍य़ूहसीन ओहले पेहजा ल़ेनुला आमा मरियम ङ्याम्‍बुराङ थोङसीन। ओहले खुङया़ पी़मु च़ूदी पेहजा ल़ेनुला ज्‍याल्‍सीन। ओहले राहङ-राहङगी काहम्‍ज्‍युङ खा फ़ेदी पेहजा ल़ेनुला सेर, स्‍युक्‍पा ओहले टिहमा स्‍यिहम्‍बु खाएँगी नुमया़की ज्‍याल्‍देन फुल्‍सीन।

हेरोद क्‍याहल्‍बुगी ती़हजीला यहूदीयाकी बेथलेहेम माएँ युहलला येशू ठुङ नाङसीन ओहजेला स्‍यारलेगी नामयी ताएँ मिहया़ येशूला छोल्‍दी यरूशलेमला ओहङसीन। ओहले खुङया़गी मिहया़ला दि ल़ेहमु म़ेदी टी़हसीन, “नाहरे च्‍यी़राङ ठुङ नाङग्‍यो यहूदीया़की क्‍याहल्‍बु का़हला ज़्‍य़ू नाङदी येहबा? ङ्यिहगी येशू ठुङ नाङग्‍योकी तेहन्‍दाला क्‍यी़ह ज्‍योर च्‍य़ूएँ ताक्‍छेन तेन्‍गेन्‍गी कार्माला स्‍यार ङो़ले थोङसीन ओ़ह सोङबे ङ्यिह येशूला ज्‍याल ओहङग्‍यो यिहम्‍बा!” म़ेदी मासीन।

दि थोङदी खुङ ज्‍यिबुराङ क़ेहनाङ लाहङसीन।

ओहले हेरोदसाला लो़हदी माहन्‍डो म़ेदी मिलामला किन्‍ज्‍योगी ज्‍याल्‍गा नाङ फान्‍ज्‍यो खुङया़ लेहमेनॱराङ लाहमले पेहती राहङ क्‍याहल-खापला लो़ह काहल्‍सीन। ओहले ओ़ह नामयी ताएँ मिहया़ काहल फान्‍ज्‍यो योसेफगी मिलामला चो़वो छ्येवा किन्‍ज्‍योकी स्‍यिहङगामगी स्‍याहप्‍च्‍यीला थोङसीन ओहले स्‍यिहङगामकी स्‍याहप्‍च्‍यीगी खोला दि ल़ेहमु सुङ नाङसीन, “ख्‍ये लाहम्‍साङराङ आमा दाङ पुहला ख्‍येर्ती मिश्र क्‍याहल-खापला सोङ। ओहले ङाहगी लो़हदी स्‍यो म़ेदी मा़हमे थु ख्‍याया़ ओ़हलाराङ तेहतोङ च्‍यिबेमाना हेरोदगी पेहजा ल़ेनुला सेच्‍ये म़ेदी साम्‍लु ताङदी येह” म़ेदी सुङ नाङसीन।