Versets bibliques populaires de MATIUS 21

Partager

Adi tek kam, ialokenndu kap i bas Dibata nari kai saja si ipindondu man baNa arah pertotonndu.”

Erjabap Jesus, “Ingetlah! Adi tek kam man Dibata dingen la monce-once ukurndu, ngasup kap kam erbahanca bagi si enggo Kubahan nandangi batang ara enda; janah labo terjeng si e saja, tapi ngasup pe kam ngataken man uruk enda, ‘Angkatken bandu jenari benterken bandu ku lawit,’ e maka jadi me bage!

Kalak si nterem si erdalan arah lebe Jesus ras arah pudiNa ersurak-surak nina, “Pujin man Anak Daud! Ipasu-pasu Dibata IA si reh i bas gelar Tuhan! Pujilah Dibata!”

Jenari nina man kalak e, “Lit kap tersurat i bas Pustaka Si Badia maka nina Dibata, ‘RumahKu igelari me pagi Rumah Pertoton.’ Tapi ijadikenndu Rumah e jadi asar penamun.”

“Katakenlah man Kuta Sion, genduari reh Rajandu ndahi kam, meteruk ukurNa iersakNa kelede, anak kelede singuda denga.”

Nina Jesus man bana, “Langa kin pernah iogendu kai si tersurat i bas Pustaka Si Badia? Nina, ‘Batu si iambekken tukang e kap jadi batu palas. Enda perbahanen Tuhan kap; janah e tuhu-tuhu sengget kita natapsa ban ulina!’ ”

“Dage ingetlah,” nina Yesus, “kerina hakndu i bas Kerajan Dibata ibuat ibas kam nari jenari ibereken man bangsa si patuh ngikutken perentah Dibata. [