Versets bibliques populaires de MARKU 2

Partager

Muze Yesu achivwile, yamba kuli ayo ngwenyi, Waze akutakama keshi kufupa mbuki, alioze waze akuyiza: chejile mukutambika akwa ululi, alioze nejile mukutambika yivulumunyi alikonyeke.

Yesu ha kumona Ufulielo wo, yamba kuli mukwa kalepa ngwenyi, Mwanami, ngunakukonekena milonga ye.

Iye wambile kuli ayo ngwenyi, Atangile Sambata hali atu, hi atu ko ha Sambata

Se kahashile kukundama kuli iye mumu ha mbunga, afukwile fulumba muze apwile, ni muze te halokolamo, azezele chalo haze apombele mukwa kalepa.

Alioze hanga nunyingike ngwe mwe Mwana Mutu chiyulo akwete hano hashi cha kukonekena milonga, yamba kuli mukwa kalepa ngwenyi, Kuli yena, ngunambe ngwami, Katuka, anda chalo che, uye ku zuwo lie.

Chashi chika, shina kwamba kuli mukwa kalepa ngwami, Kakukonekena milonga ye, nyi? Shina kwamba ngwami, Katuka, anda chalo che, wende?

Iye wakatukile, ni haze hene wanjile chalo chenyi, watuhukile kumeso ja eswe; chocho alishimwokene, achichimiekene Zambi, ngwo, Kutwachimwene chocho nilimwe tangwa.