Versets bibliques populaires de Matiyò 21

Partager

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”

À mà hwa òhweyà nanù ema, “È tìlahwì ema, Lohwà a òhwi nanù ema, ‘È ndawò ya ami e ò hwɛ̀lɛ̀hwɛ̀ ndi e ndawò ya màkanɛ̀.’ Ndi inyɔ ye e timbirzɛ ndi ‘Èki ema hwayihwɛ hwa utàmà.’”

“Ohweyà hwatò hwa Rzàyɔ̀nì nanù ema, Wà à ɔ̀ŋgɔ, è kìŋgɛ yà aŋgɔ̀ yè è jèeyà! À arzìhwìrzɛ̀yi, à lìyàyi ò ŋmanyu yà jàkarzì, ŋguma jàkarzì jà mòme.”

Yerzù rzi a hwa òhweyà nanù ema, “È rzi laŋgi ò èki ema Èya ya Lohwà e òhwa nanù ema, ‘Lìnyayi ema hwà-òŋgèlì hwà mà hvake na yòma ya ŋgundu, lì ɔ̀ndi lì ma timbɛ lìŋyàyi ema lì endàhwàwɛlɛ. È Rzàŋgò ndi à mà gbeyà ene eyà. Ndèŋgànɛ̀lɛ̀ e hwèlì mànyakà ò mirzɔ̀ ma arzu.’

Yerzù a hwatɛ hvɛ ò lì òhwa nanù ema, ‘Ene ŋgàna e gbèyi imba na e òhweyà ema, hwa ò e wòwàna hwehvòlò hwe anyu ema inyɔ e òhvi nàa hwatò hwa lìkànèyà là ama Lohwɛ̀, rzìi hweŋge hwehvòlò hwe ò ŋgbààhwà hwatò ema hwa ò gbeyɛ mamɛ ema Lohwɛ̀ a arza.’”