Versets bibliques populaires de ወንጌል ዘሉቃስ 9

Partager

ወይቤሎሙ ለኵሎሙ ዘይፈቅድ ይትልወኒ ይጽልኣ ለነፍሱ ወያጥብዕ ወይንሣእ መስቀለ ሞቱ ወኵሎ ዕለተ ይትልወኒ።

ወዘሰ ይፈቅድ ያድኅና ለነፍሱ ይገድፋ ወዘሰ ገደፋ ለነፍሱ ያድኅና።

ወይቤሎ እግዚእ ኢየሱስ አልቦ ዘይእኅዝ ዕርፈ ወየሐርስ ድኅሪተ ወይከውን ድልወ ለመንግሥተ እግዚአብሔር ።

ወምንተ ይበቍዖ ለሰብእ ለእመ ኵሎ ዓለመ ረብኀ ወነፍሶ ኀጕለ።

ወለዘኒ ኀፈረኒ ወኀፈረ ቃልየ የኀፍሮ ሎቱኒ ወልደ ዕጓለ እመሕያው አመ ይመጽእ በስብሐቲሁ ወበስብሐተ አቡሁ ወምስለ ቅዱሳን መላእክቲሁ።

ወይቤሎ እግዚእ ኢየሱስ ለቈናጽልኒ ግበብ ቦሙ ወለአዕዋፈ ሰማይኒ ምጽላል ቦሙ ለወልደ ዕጓለ እመሕያውሰ አልቦቱ ኀበ ያሰምክ ርእሶ።

ወይቤሎሙ ዘተወክፈ ዘመጠነዝ ሕፃነ በስምየ ኪያየ ተወክፈ ወዘኒ ኪያየ ተወክፈ ተወክፎ ለዘፈነወኒ እስመ ዘአትሐተ ርእሶ እምኵሉ ውእቱ የዐቢ።