Versets bibliques populaires de Tes1 5

Partager

Ka n nyɛnyɛɛ biikoo tumaa li. Ka baran Lawa nyankɔ lɛ da wa. Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa. Lawa mɛn lɛ ka bíi, a n bɔlɔgoondɛnaa lɛa; a din lɛ dɔ n die zɛnɛɛ.

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Bɛ lɛ taman yii, ka kɔn foo doa, ka kɔn gù we yii, ka ka bɛ́ zɛnɛɛ lɔn gɔrɔ.

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

A giala, Lawa bie á wɔ bɔ, mà asɛ n die a foo-busii diɛ wɔ mìi-n wa, a na á wɔ bɔ, mà wɔ kirisibaa yɛ ka wɔa Dɛnaa Yezu *Krita pàã nɛ.

Ka tumaa n wɔlɔ fúlu minbuiinin lɛa tɔ we penleen ne, wɔ bie tèlò minbuiinin lɛa wɔlɔ tì li wa.