Versets bibliques populaires de Matias 5

Partager

Re matengo i'a mai ua tagala 'o poci, kara 'a sidamunu reo tampayanga! Siḏibo ḏi'i, 'a sigare toma poci ma ngi'i, la 'i sitarangi ngowa'a mo-moini toma wala ma dara. So'o gena ḏi'i, ninga ga'a ma la-la ga'a ma tero sa'olo tarangi, balasu na sijumu toma mandan, la ngowa'a ya oḏi'i kara 'aḏi puji re silamo'o nanga Ḇaḇa toma soroga.”

Ngini ga'a mete'e Ngoi, ngini ma tero sa'olo tarangi di'a dungia nena-ne. Sanga ua, limau toma sau ma tubu, ngowa'a ya oḏi'i ua!

Bara'utungu ngowa'a ga'a manga 'akala re sinyingara 'i 'ofi-'ofi, sababu ananga gena-ge 'aḏi 'ahu mamete'e ra Ma Jou'ongu Madutu.

Bara'utungu ngowa'a ga'a 'aḏi nyafusu madutu dadi ngowa'a loasa re banari ra Ma Jou'ongu Madutu 'ai momina, sababu Ma Jou'ongu Madutu masiretene ḏuanga i'a 'o sitotomo manga mau.

Mada'a Ngoi to siajele ra ngini nena-ne: Ngini balasu ni dadalara ninga lawana-lawana, re ni nyiata ḏi'i ngowa-ngowa'a ga'a 'aḏi sisikisa ngini sababu ni mete'e Ngoi.

“Bara'utungu ngowa'a ga'a 'aḏi basono tala ananga ngowa'a ya'u sipake-pake ua ra Ma Jou'ongu Madutu 'ai momina, mada'a ananga manga ngo-nganono pa'i ra Ma Jou'ongu Madutu ḇato; sababu ananga gena-ge 'aḏi osama nyo-nyoimi toma Soroga ma Pareta.

Bara'utungu ngowa'a 'aḏi riono ngowa'a 'aḏi dadi ma'u dame moju, sababu ananga gena-ge 'aḏi osama nyo-nyoimi ra Ma Jou'ongu Madutu 'ai ngowa-ngowa'a nau'u.

Bara'utungu ngowa'a ga'a nange-ne 'aḏi rerese ma gaḏi, sababu Ma Jou'ongu Madutu masiretene ḏuanga i'a 'O sihiburu ananga gena-ge.

Bara'utungu ngowa'a 'aḏi sanga sikisa sababu 'aḏi siḏagi Ma Jou'ongu Madutu 'ai 'akala ma mau, sababu ananga gena-ge 'aḏi osama nyo-nyoimi toma Soroga ma Pareta.

Bara'utungu ngowa'a ga'a 'aḏi sijumu manga 'akala re sinyingara la-la toma ngowa'a lelegu, sababu Ma Jou'ongu Madutu ḏuanga i'a 'O sijumu 'Ai 'akala re sinyingara la-la ra ananga gena-ge ḏi'i.

Bara'utungu ngini, na'o ngowa'a nu'u je-jengere re nu'u sikisa re nu'u jajaha demo pa'i sababu ni mete'e Ngoi ḇato. Nabi-nabi ma siḏa ḏi'i ya sanga sikisa ma tero so'o gena-ge. Dadi ngini ni maroanga re ni sanangi, sababu ngini ni sanga ngogele lai lamo'o toma soroga.”

Bara'utungu ngowa'a ga'a 'aḏi maholo tamanga 'akala re sinyingara, sababu Ma Jou'ongu Madutu ḏuanga i'a 'O sitotomo 'Ai jaji ra ananga gena-ge.

“Ngini ga'a mete'e Ngoi, ngini ma tero sa'olo g̱asi di'a dungia nena-ne. Na'o g̱asi 'i rasa riwara, sanga ua ni siḏibo moju enanga ma rasa. Dadi enanga ma faeda ri cua, pa'i na upa'a re ngowa'a ya to'u-to'u.

Sababu gena-ge, ngini nena-ne balasu ni dadalara ti-tiai ngowa'a mo-moini ma tero sa'olo nanga Ḇaḇa toma soroga ga'a 'o dadalara ti-tiai ngowa'a mo-moini.”

Mada'a pa'i kanau ḇato ‘Ya’, na'o 'i banari; bolo ‘Ua’, na'o 'i banari ua. Na'o ngini ni kanau lebe kiḏanga reo gena-ge, ḏua ma 'asala toma 'Iblisi.”

“Ngini reni waro parenta nena-ne ga'a 'ua re 'au wali ri silefo so'o ne: ‘Na'o matengo 'o sijira 'ani la'o, ngana nyengara no sijira 'ai la'o. Re na'o matengo 'o sijira 'ani ngiḏi, ngana nyengara no sijira 'ai ngiḏi.’ Mada'a Ngoi to siajele ra ngini nena-ne: Awa ni mabalasa toma ngowa'a matengo ga'a 'o 'a'a jira ra ngini. Siḏibo ḏi'i na'o ngana 'ani bobongolo ma kuwiḏa ngowa'a matengo 'a sata, ḏua no pula'a ḏi'i ma kuḇali.

Na'o ninga la'o ma kuwiḏa sigasa ngini ni eta'a toma ḏosa, ni cuḇulenge re ni upa'a la'o gena-ge! Jobilaha pa'i ninga la'o kaci moi 'i iranga ḇato, reo ninga lese mo-moini 'i osama toma naraka ma dara raninga la'o kaci ḏiḏi. Re na'o ninga giama ma kuwiḏa 'i sigasa ngini ni eta'a toma ḏosa, ni tola'a re ni upa'a giama gena-ge! Jobilaha pa'i ninga giama kaci moi 'i iranga ḇato, reo ninga lese mo-moini 'i osama toma naraka ma dara raninga giama kaci ḏiḏi.”