Versets bibliques populaires de Galatia 4

Partager

Jadi', apa' lawi' ana' Alata'ala-tamoe, Alata'ala mpohubui Inoha' Ana'-na mo'oha' hi rala nono-ta. Ngkai pobago Inoha' Tomoroli' hi rala nono-ta toe, mekio'-ta hi Alata'ala, ta'uli'-ki: ”O Mama! O Tuama-ku!” Jadi', uma-pi tapengkorui Atura Musa bona ke jadi' monoa'-ta hi poncilo Alata'ala. Ana' Alata'ala-tamo! Pai' ane ntoa' napo'ana'-tamo, bate nawai'-ta mpai' hawe'ea to naporodo hi ana'-na.

Aga karata-na tempo to napakatantu Alata'ala, napahawa'-mi Ana'-na tumai hi dunia'. Ana'-na toei putu ngkai hadua tobine, pai'-i mewali to Yahudi to mengkoru hi Atura Musa. Alata'ala mpopahawa' Ana'-na tumai bona mpobahaka-ta ngkai Atura Musa, bona kita' wo'o ma'ala napajadi' ana'-na.

Tapi' tempo toi ni'inca-imi Alata'ala–hiaa' kakono-na Alata'ala-di-hawo to ri'ulu mpo'inca-koi! Jadi', napa-di-koina pai' doko' nikanculihii ada pai' atura to hewa toe-e? Nituku' lau-mi ada agama Yahudi hewa eo palia, tempo mosusa', wula bo'u pai' eo bohe ntani'-na. Ada pai' atura tetu-le uma mpokeni rasi', pai' uma-koi mpai' tebahaka ngkai huku' jeko'-ni ngkai petuku'-ni hi atura tetu-e. Jadi', napa pai' doko' mengkoru nculii' wo'o-mokoi hi ada pai' atura to hewa tetu-e!