Versets bibliques populaires de 2 Vakorinto 1

Partager

Txi na dhumiswe Txizimu, Tate wa Mkoma wathu Jesu Kristu, Tate wa wumbilu, Txizimu txa kotshe kuthavelela, txona txi hi thavelela ka sotshe sixaniso sathu, kasiku hi sikota kuthavelela ava va karatekako, ngu yona thavelelo ayi nathu hi thavelelwako ngu yona ngu Txizimu.

Nguko, ngako sixaniso sa Kristu si hi talelako, ngu toneto, thavelelo yathu ni yona ya engeteleka ngu kota yakwe Kristu.

Hi ti pfite kha ditshuri hi di vathu va va nga abaniselwa kufa. Atiya, ti hi ningile ku hi si ti thembi athu hipune, aniko, hi themba Txizimu, atxi txi wusako vafi.

Ngu txona Txizimu txi hi tsanisako athu ni nanu ka Kristu, txi txi hi sawulekisa ngu ku hi tota mafura. Txona ngu txona txi nga hi veka txivango ngu txixambanyo txa txona, txi txi zima timbiluni kwathu sitsaniso sa Moya.

Ngako hi txi xaniswa, hi xaniselwa ku anu mi txi mana kuthavelelwa ni kuhanyiswa. Se, ngako hi txi thavelelwa, anu mi mana kuthavelelwa nanu, aku ku mi ningako kutimisela ka sixaniso si nanathu hi timiselako ka sona.