Versets bibliques populaires de Luqa 17

Partager

Inna-as: "Kkar aḏ trewwḥeḏ, lʼiman nnec isenjem-ic."

Meȓa ixḍa akiḏec sebƹa n ṯwaȓaṯin ḏi nhar iḏweȓ-d ɣarek sebƹa n ṯwaȓaṯin inna-ac ndemmeɣ x min xeḏmeɣ, ataf aḏas ṯsamḥeḏ."

Ijjen zzaysen wami yufa ixef nnes igenfa, iḏweȓ-d iḥemmeḏ Arebbi s jjheḏ. Isejjeḏ-as i Ƹisa ɣar iḍaren nnes ibḏa itcekkar-iṯ. Netta aryaz nni zi Samarya.

Ḥḍam ixef nwem. Meȓa ixḍa akiḏec umac nha-ṯ. Meȓa indem sameḥ-as.

Inna Ƹisa: "Ƹecra nni, genfan marra ma lla? Mani ǧan tesƹa nni nneɣni?

Yarra xasen Siḏiṯneɣ inna-asen: "Mȓi ḏaywem lʼiman ɣir anect ijjen n ṯḥebbuct n bugarḏaȓ, ataf aḏas ṯinim i ṯcejjarṯ-a n ttuṯ: Neqȓeƹ-d cem s iẓewran ruḥ aḏ teẓẓuḏ ixef nnem ḏi ȓebḥar, ataf aḏawem ṯegg array."

Wenni ixsen aḏ isenjem ṯuḏarṯ nnes ataf at ixsar. Wenni iy ɣa ixsaren ṯuḏarṯ nnes ataf at isenjem.

Inna-asen Ƹisa i imeḥḍaren nnes: "Ȓebda tewqiƹent ṯmesȓayin iy ɣa iɣeḍȓen iwḏan ḏi ȓmuƹṣiyaṯ, walakin ya tamara n bnaḏem nni ig iǧan ḏ ssabab n ȓmuƹṣiyaṯ nni. Netta, meȓa cedden ijjen n uzru n ṯsirṯ s usɣun ɣar yiri nnes aṯ nḍaren ḏi ȓebḥar, ataf ḥsen i netta zi meȓa yuwi ijjen zeg imezyanen-a ɣar ȓmuƹṣiyeṯ.

Amecnaw mamc iwqeƹ ḏi ȓiyyam nni n Nuḥ, amenni iy ɣa iwqeƹ ḏi ȓiyyam n Mmis n bnaḏem: Iwḏan tuɣa tetten sessen, meǧcen twasmeǧacen, ḥetta aȓ nhar nni wami yuḏef Nuḥ ḏeg uɣarrabu. Yusa-d ṭṭufan inɣi-ṯen marra iḏsen.