Versets bibliques populaires de Yuḥanna 16

Partager

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

Ḥetta aȓ ȓexxu war ṯettarem walu ƹlaḥsab isem inu. Ttareṯ aḏ tafem, ataf ȓefraḥeṯ nwem aḏ tiȓi ṯekmaȓ.

Aqa tesȓam ȓḥaqq: Ḥsen i kenniw aḏ raḥeɣ. Meȓa war ruḥeɣ ca, ataf war ɣarwem d itis ca Lmuƹawin nni. Walakin meȓa ruḥeɣ, ataf aḏawem ṯiḏ ssekkeɣ. Xmi d ɣa yas, aḏ d isbeyyen i yiwḏan n ddunect ɣalṭen x ȓmuƹṣiyeṯ ḏ min iṣeȓḥan ḏ lḥisab.

Uȓa ḏ kenniw ḏaywem ȓeḥȓiq ȓexxu, walakin akenniw ẓreɣ ƹaweḏ. Ȓexddenni aḏ tfarḥem s wuȓawen nwem, war ḏawem itekkes ȓefraḥeṯ nwem ḥadd. Nhar nni iy d ɣa yasen kenniw war ḏayi tseqsim x walu. Aqa tesȓam ȓḥaqq: Baba aḏawem yuc marra min ḏas ɣa ṯettarem ƹlaḥsab isem inu.

Aqa tesȓam ȓḥaqq: Kenniw aḏ trum aḏ tḥeznem, walakin ddunect-a aḏ tfareḥ. Kenniw aḏaywem yiȓi ȓeḥȓiq, walakin ȓeḥȓiq nwem aḏ iḏweȓ ḏ ȓefraḥeṯ.