Versets bibliques populaires de ROMANOS 8

Partager

Cashnataca alimi yachanchi: Taita Diosta juyajcunataca, tucui imapash ñucanchipaj ali cachunmi, Diosllata ayudajun. Pai imapaj munashcashna agllashcacunami canchi.

Shina cajpimi, caitaca aligutapacha yachani: Huañuipash, causaipash, angelcunapash, ninan ushaita charishpa mandajcunapash, cunan punllacunapash, shamui punllacunapash, jahua pachapi, ucu pachapi ima tiajcunapash, Dios rurashca imacunapash, ñucanchi Apunchi Cristo Jesusmanda Taita Dios juyajujtaca, ñucanchimandaca napacha anchuchi ushangachu.

Shinallatami ñucanchi nara shinlli cajpipash, Diospaj Espirituca ñucanchita ayudajun. Diosta ali mañanatapash na yachashcamandaca, imata mañanatapash na ushashcami canchi. Shina cajpipash paipaj Espiritullatami, na rimai ushanalla shimicunahuan ñucanchimandaca, aij nishpa Diosta mañariajun.

Shina cajpica, ¿imatata nina canchi? Taita Dios ñucanchihuan cajpica, ¿pita ñucanchitaca imatapash ningayari?

Cunanga, Cristo Jesushuan shujlla tucushcacunataca, Diosca ninan llaquiman na cachangachu. Paicunaca, Diospaj Espíritu yachachijujta catishpami, paicunapaj munaitaca na ruranajun.

Quiquin munaitalla rurashpa causanaca, huañushpa chingagringapajllami. Ashtahuangarin Diospaj Espíritu munashcatalla rurashpa causanaca, causaigutapash, casilla ali causaitapash charinami.

Ashtahuangarin cai tucui llaquicuna japijpipash, ñucanchita juyajuj Cristomandami, tucuita ashtahuan mishai ushajcuna canchi.

Cai causajui punllacunapi llaquicunaca, shamui punllacunapi punchapambagupi causagrinahuan chimbapurashpa ricujpica, na imapash cajtami aligutapacha yachani. Chai punchapambaguca, ñucanchipimi ricuringa.

¿Pita Cristo ñucanchita juyajujtaca anchuchi ushanga? ¿Llaquipash, manllaipash, fiñashpa llaquichipash, yarjaipash, churajuna illaipash, huañuchi tucunata manllaipash, espadahuan huañuchi tucunapash anchuchi ushangachu?

Ashtahuangarin maijan cashpapash paipaj shungupi aligutapacha yarishpa ricushpaca, paipaj Espíritu imata yarichijujtapash yachanmi. Diospaj Espirituca, Taita Dios munashcashnami paipajlla causajcunamandaca mañariajun.

Taita Diospaj Espíritu pushajpi tucui causajcunami, Taita Diospaj huahuacuna.

Ashtahuangarin quiquin munaitalla rurashpa causajcunaca, quiquin munaitalla rurashpa causanatallami yariashpa causanajun. Ashtahuangarin Diospaj Espíritu yachachijujta catijcunaca, imatapash Diospaj Espíritu munashcatami rurangapaj yariajlla causanajun.

Taita Diosca, paipaj Churitapachapash na mitsashpami, ñucanchimandaca tucuicunamanda huañuchun caramurca. Paipaj Churitapash carashca cashpaca, ¿nachu ñucanchimambash tucui imagutapash caramunga?

Diospaj Espiritullatami, ñucanchi shungupica: “Cangunaca, Taita Diospaj huahuacunami canguichi” nishpa yarichijun. Diospaj huahuacuna cashpami, pai carasha nishcatapash japigrishun. Taita Dios carasha nishcatami japigrishun. Cristo japishcashnami, ñucanchipash japishun. Cristo llaquita apashcashna apashpaca, paihuanmi punchapamba llactapi causagrishun.

Quiquin munaitalla yarishpa causanaca, Taita Diosta fiñachishpa causanami. Chashna causashpaca, Taita Dios mandashca shimitaca napacha cazui ushanllu. Cazungapaj munashpapash, na ushanajunllu.

Taita Diosca, paipaj huahuacunatami juyaillaguman tigrachishpa ricuchinga. Chaitaca, pai rurashca ima tiajcunapash, ninanda ricunayachishpami chapanajun.

Shuj huarmi ungungapaj ninanda nanachinshnami, Dios rurashcacunaca tucuilla cunangaman aij nishpa llaquita apanajun. Chaitaca alimi yachanchi.