Versets bibliques populaires de ROMANOS 16

Partager

Casilla ali causaiguta caramuj Taita Diosmi, Satanastaca ñapash cangunapaj chaquihuan sarunshna mishachingapaj ushaita caramunga. Ñucanchi Apunchi Jesucristopaj ninan juyaica, cangunahuan cachunmi munani.

Shicanyachingapaj pandata yachachij runacunamandaca, tucui crijcunami, aliguta huacaichirina canguichi. Cangunaman yachachijpi yachajushcataca, paicunaca nalicachinllu. Chaicunahuanga, na tandanajunachu canguichi nipanimi.

Chashnacunaca, ñucanchi Apunchi Jesucristotaca napacha servinajunllu. Ashtahuangarin paicunapaj vijsapajllami rurashpa causanajun. Paicunaca, mishqui shimicunata uyanayaita llullashpa parlashpami, nara ali yachajujcunapaj shungutaca pandachinajun.

Jesucristomanda ali villaita ñuca villashcashnallata, ashtahuan aliguta catichun cangunata shinllichijuj Diostaca alicachishunchi. Cai villajunataca, ñaupamandapachami na yachachishpa pacashpa charijushca. Shina cajpipash, chaitaca cunanmi ña ricuchishca. Dios ima nishcata villajcunaman Diosllata escribichishca Shimicunapi, causaita causajuj Taita Dios imashna mandashcashnallatami ricuchishca. Chaitaca, tucui llactacunapi causajcuna crishpa cazunajuchunmi ricuchishca. Tucuita yachaj, shujlla Taita Diosca, Jesucristomanda causaita causaicaman, punchapambagumi cangui ni tucushca cachun. Shina cachun.