Versets bibliques populaires de Romanos 11

Tan u Tioxh cheesan qꞌu kam kajayil. Tiqꞌaqꞌal atile. Utz tetz qꞌu kam kajayil kꞌuxh atile. ¡Ech tetz u techalil bꞌenamen! Aꞌi.

¡Tan tiira mam bꞌaꞌnil atil xeꞌ u Tioxh! ¡Mam txumbꞌal! ¡Mam ootzajibꞌal! ¡Ootzajibꞌe koj kam ech niꞌaneꞌ aas nitiqꞌo tibꞌ qꞌu kam taqꞌo! ¡Yeꞌxhabꞌil sapaal itxumbꞌal tu qꞌu kam niꞌaneꞌ!

Tan ¿abꞌil maꞌj ootzajin tetz kam qꞌu kam nititzꞌa u kuBꞌaal? Utz ¿abꞌil saꞌalon itxumbꞌal aas kam siꞌaneꞌ?

Utz echat koꞌxh tu u tiempo majte tzaꞌ. Atil unjolol Israeel aas txaael tu u Tioxh tu vibꞌaꞌnil. Tan tu taanima u Tioxh nicheek u bꞌaꞌnil tiꞌ. Yitꞌ tiꞌ koj aas kam maꞌj bꞌaꞌnil niꞌan qꞌu aanima siatz. Tan oj tiꞌ qꞌul ibꞌanoneꞌ, yitꞌ ibꞌaꞌnil koj u Tioxh atziꞌ uncheeꞌ.

Pek kuentaꞌex; etalchile aas techal ex vatz qꞌu Israeel. Epaasach etibꞌ siiꞌ. Tan tiqꞌaqꞌal kuꞌen kꞌuxh txaklelex kꞌatz Tioxh. Tan aatz vaꞌl bꞌanax tu qꞌu Israeel, ela tuchꞌ vitzokꞌax el unjolol iqꞌabꞌaj u nojla olivo. Utz nichikax jeꞌ iqꞌabꞌ xoꞌl tzeꞌil olivo viꞌ vikuchmal. Tan aatz ex, ech ex u xoꞌl tzeꞌil olivo, aas aꞌ tek nietzanku kꞌatz u taꞌl u nojla olivo. Ech nachtaj tan, ech koꞌn ex qꞌu qꞌabꞌaj. Utz yitꞌ tiꞌ koj qꞌu qꞌabꞌaj atil qꞌu taqꞌil u tzeꞌ. Tan tiqꞌaqꞌal qꞌu taqꞌil u tzeꞌ atil qꞌu qꞌabꞌaj.