Versets bibliques populaires de Matyù 19

Partager

Yěsû a naŋə̀ mɨ̀sɨghə̀ ɨ̀mobə nshwəŋə̀ ambo pobə lo, “Ànwùə̀ zə̀ a tsàarə̀ a ŋwùə̀ mɨsoŋə, la ambo Nẅùə̀ mbə̀ʼə a ghɨ̀rə̀ ànwùə̀ àtsùmə̀.”

Lenəla pobə tyiʼə̀ taʼà ŋwùə̀ nchi mbə a ghobə pànə̀ pɨpaa apə̀. Àzwuumə̀ àtsùmə̀ nɨ Nẅùə̀ à pwuutə̀nə, kò ŋwùə̀ mɨsoŋə a ghàbə̀ e a zèrə.”

A pyiitə̀ a ghobə lo, “Nɨ̀ pirə̀ a wɨghə tɨ fuŋə̀ ànwùə̀ Nẅùə̀ za lo Nẅùə̀ nɨ à lə̀ tsùŋə̀nə pə̀ənə̀ a nɨ̀pìʼnə̀nə à lə̀ tsùŋə̀ la ŋònə̀ mbyàŋnə̀ pobə mə̀ngyə̌? Ntyiʼə̀ nshwəŋə̀ lo, ‘Tsaʼnə a pənə lə la, ŋònə̀ mbyàŋnə̀ à ghǎ myàʼtə̀ a tǎ ɨghobə pobə mǎ e, tô pwuutə̀ pobə ngẅùə e, pobə ze tyiʼə̀ taʼà mbòbə̀ mbɨ̀ŋmə̀.’

La Yěsû a shwəŋə̀ ambo pobə lo, “Nɨ̀ myàʼtə̀ ɨ̀poonə̀ pa pobə̂ tô ambo mɨ̀ŋə̀. Kò nɨ̀ zòŋə̀ a ghobə, ntiinə ànwùə̀ Nɨ̀fò nɨ̀pwuurə̀ a chyə̂ la ambo pànə̀ tsaʼa pobə.”

La pànə̀ pɨ̀noʼnə nɨ pɨ pənə pɨ̀tsàa pɨ̀mbyə̀ tɨ̀tsòŋə̀, pobə ghǎ tyiʼə̀ pə la pɨ̀lẅùə̀ pɨ̀ndzùmə̀; pɨ̀lẅùə̀ pɨ̀ndzùmə̀ tyiʼə̀ mbə pɨ̀tsàa pɨ̀mbyə̀.”

Ŋwùə̀ wa ntsùmə̀ nɨ à myàʼtə̀nə mɨ̀ndâ ɨ̀me, kə̀ pɨ̀momaa ɨ̀pe pɨ̀mbyàŋnə̀ pobə pɨ pə̀ngyə̌, kə̀ tǎ ɨghobə, kə̀ mǎ e, kə̀ ɨ̀poonə̀ ɨ̀pe, kə̀ ɨ̀pàbə ɨ̀shyə̂ ɨ̀pe mbə̀ʼə nɨ̀linə̀ ɨ̀tsâ, à ghǎ chi pə nɨ ɨ̀pwuumə̀ pɨ̀ghu nkwùə̀ nkɨrə, kɨ pə nɨ nɨ̀chyə̂mbyə̂ wa nɨ à ghoŋə̀nə nɨ nkuŋə̀.

A kẅùə̀ ambo ze lo, “Wə̀ tə nkòŋə̀ a nɨ pòŋə̀ mmyàanə̀, wə̀ ghə̀ nshwùunə̀ ɨ̀pwuumə̀ ɨ̀pô ɨ̀tsùmə̀ ŋŋâ nkabə̀ ghu ambo ngàŋə̀ àfumə̀ yi wə̌ pə nɨ àfùʼù a nɨ̀pwuurə̀, ntyiʼə̀ ntô ndzùŋə̀ a mə̀.”

Yěsû a pyiitə̀ ambo ze lo, “À ghɨ̀rə̀ àkə wə̀ pyiitə̀ mə̀ mbə̀ʼə ànwùə̀ ɨ̀shìʼnə̀? Ŋònə̀ nɨ à pənə ŋònə̀ ɨ̀shìʼnə̀, a tyìʼə̀ Taʼà ŋwùə̀. Wə̀ tə mmə nkòŋə̀ a nɨ kwuunə̀ amwuə nɨ̀chyə̂mbyə̂, wə̀ nùŋə̀ mɨ̀ntə̌ mɨ Nẅùə̀ ma.”

Ǹchi nkẅìʼnə̀ nshwəŋə̀ tyìʼə̀ nkǔŋə nkuŋə ambo pɨghə lo a zàŋə̀ ambo ləəmə nkunə a nɨ tswurə̀ amwuə ngwɨgrə̀ lyàmnə̀ ntsàarə̀ ambo ngàŋə̀ nkabə̀ a nɨ kwuunə̀ amwuə ànwùə̀ Nɨ̀fò Nẅùə̀.”

Ǹshwəŋə̀ ambo pɨghə lo ŋwùə̀ à tə nfuukə̀ a ngẅùə e a ndâ ze, ka fuukə̀ e pə ntii àfànə̀, ndzoʼò a ghù nyàanə yi à ghɨ̀rə̀ la àfànə̀.”

Yěsû a tyiʼə̀ nshwəŋə̀ ambo ɨ̀zùŋə̀ ndzùmə̀ ɨ̀pe lo, “Ǹshwəŋə̀ tyìʼə̀ nkǔŋə nkuŋə lo a kə̀ʼnə̀ ambo ngàŋə̀ nkabə̀ a nɨ kwuunə̀ amwuə ànwùə̀ Nɨ̀fò nɨ̀pwuurə̀.