Versets bibliques populaires de Марк 9

Partager

– Фу кӀуру гаф ву «Эгер шулуш?!» – кӀуру дугъаз Исайи. – Хъугъвал айирихьан вари шулу.

Балин адашди ишури кӀуру: – Хъугъурза! Хъа узхьан хъугъуз шулдарш, кюмек апӀин!

Иса хулаз гъафиган, Дугъахъди гъузу ученикари гьерхру: – Хъа учхьан думу утӀубккуз гьаз гъабхьундайи? – Мицдар жинар ккарагбииндитӀан утӀурккуз шлудар дар, – гъапи Исайи.

Кьил ужуб мутму ву. Хъа эгер кьилан кьилзишин гъудубгиш, фти думу кьилзи апӀидичва. Учвук кьил кади йибхьай! Ва сар-сарихьди мясляаьтнаъ йихьай.

– Шли Узу бадали гьамцдар бицӀидарикан саркьан кьабул гъапӀиш, дугъу Узу кьабул апӀура. Хъа шли Узу кьабул гъапӀиш, неинки Узу кьабул апӀура, хъа гьацира – Узу Гьаурра.

Шли учвуз, Месигьдин ученикар вуди хьпаз лигну, саб кӀиф шид тувиш, хъугъай Узухъ, дугъаз чан пешкеш хьибди.

Хъа шли саркьан гьамцдар аьдатидарикан ва зяифдарикан хъугъувалихъан хътаиш, дугъаз чан гардандиъ рягънин ахал ипну, гьюлизди гатӀархьнийиш, ужу шуйи.

Эгер яв ули уву тямягьнахьна гъахураш, адабгъ думу! Увуз саб ул ади Аллагьдин Паччагьлугъдиъ учӀвуб ужу ву, кьюбиб уларра амиди жегьеннемдиъ ахъайиз.