Versets bibliques populaires de ROMETE 6

Partager

Ajiahchu sual man sihna ahi a; hizongleh Pathian silthawnpiah chu i Lalpa uh Jesu Khrist jalin kumtuang hinna ahi.

Ajiahchu sualin na tungvah thu a neita sih diing hi; bang jiahin ahiai i chih leh daan nuaia um na hi sih va, hehpihna nuaia um na hi zaw uhi.

Hujiahin Pa loupina in misi laha kipan Khrist a kaihthoh banga eihaw zong hinna thah a i hin theihna diingin a sihna ah baptisma in amah toh vui in i um uhi.

Na sapum hiangte uh zong dihtatlouhna vanzat diingin sual kawmah pephal sih un; ahihvangin misi laha kipana hing kiit bangin Pathian kawmah kipia unla, na sapum hiangte u’zong dihtatna vanzat diingin Pathian kawmah pe phal zaw un.

Hikhu he leh uchin, sualna sapum suhmangthaia a um theihna diingin, tu apat a sual natonga i um nawn louhna diingin i mihing lui uh amah toh kilhbehin a umta hi, chih.

Huchimahbangin nanguh zong sual lam thu ah sisa in kingai unla, hizongleh Pathian lamah chu i Lalpa uh Jesu Khrist jalin hingin kingai un.

Ahihleh bang i soita diai? Hehpihna a pun semna diingin sual ah i um zing diing uh adiai? Um zing lou hial diing. Eiuh sual lama sisate bangchi’n sual ah i hing thei nalai lai diai?

Sual hial lou diing Sihna diing a sual suaah hiin, dihtatna diing a thumanna suaah hitaleh, koi kawm pouh ah zong thumang diing a suaah a na kipiah unchu, a thu na manpa uh suaah na hi uh chih na he sih viai mah?

Hizongleh Pathian kawmah kipaahthu um heh, sual suaah ana himah zong leh uchin, nanguh hung kipia kihilhna thudan chu lungtang tahun na juita uhi. Suala kipan hahdoha um in, dihtatna suaahte na hung hita uhi.