Versets bibliques populaires de मत्तायोस 19

Partager

येसुस आर ही तरा इरियस ती बाचस, “आलर ती गा ईद मना पुल्‍ली, लिकिन धर्मेस ती उर्मी दिम मना उंगी।”

औंगे अक्‍कु आर धर्मेसी ऎरना नू ऎंड़ मला ओन्‍टा आल हिकनर। औंगे नॆकन धर्मेस जोड़चस आरिन नॆ हूँ अम्‍बोर छिंडा।”

आस आनाकिर्ताचस “एन्‍देर नीम नेम्हा पुथी नू मल्‍ला पढ़चका का? इकला धर्मेस ख़ॆख़लन गढ़चस, आस आरिन मॆत मुक्‍का गढ़चस।” अरा बाचस, “ ई चड्डे आलस तंग्यो तम्‍बन अम्‍बरकी तंग्है ‍आली गने र'ओस। आर इरबरदिम ओन्‍टा आल लेक्‍खा मनोर।

लिकिन येसुस आरिन बाचस, “ख़द्दारिन एंग्‍है गुसन बर'आ चि'आ, आरिन अमा छेक'आ, एन्‍देरगेका नॆ इबड़ा ख़द्दर लेक्‍खा र'अनर, आरिनिम धर्मेस राजी ननोस।”

लिकिन अजम आलर नॆ अक्‍कु कोहाँ पद नू र'अनर, आर बरना उल्‍ला नू उर्मी ती किइय्‍या पद मनोर क'ओर। अरा अजम आलर नॆ अक्‍कु उर्मी ती किइय्‍या पद नू र'अनर, आर बरना उल्‍ला नू कोहाँ पद मनोर क'ओर।

अरा एका ओर्तस तंग्‍है एड़पा पली महले भ‍ईर महले बहिनर महले अयंग महले बंग महले ख़द्द-ख़र्रा महले ख़ल्‍लन एंग्‍है चड्‍डे अम्‍बका र'अदस, आस गे सौ गुना ख़क्‍ख्र'ओ अरा मुंजामलका उज्‍जना ख़क्‍ख्र'ओ।

येसुस आसिन बाचस, “नीन बड़ीयर मना बेद्ददय होले, कला, निंग्है खुर्जिन बीसा ती मलकर गे चि'आ, फिन निंगा मेर्ख़ा नू खुर्जी ख़क्‍ख्र'ओ। फिन बरा ती एंग्‍है गने चॊंख़्र'आ।”

येसुस आसिन बाचस, “नीन एंग्‍है ती दौ ही पत्त नू एन्‍देरगे मेन्‍दय? धर्मेस लेका दौ र'अदस, अन्‍ति नीन जनमजुग उज्‍जना नू कोर'आ बेद्ददय होले, पॆसकन पॆस्र'आ।”

निम्‍है ती अउरिम ब'अदन का उरुब आलस धर्मेसी राजी नू कोरना ती ओन्‍टा ऊंट सुजी ही भों‍का नू तुरदना सेब्‍बा र'ई।”

अरा ऎन निमन ब'अदन का एकअम ओर्तस नन्‍ना आलस गुसन काना पाप ती नन्‍ना चड्डे तंग्‍है आलिन अम्‍दस ती नन्‍ना आलिन बेंज्रदस होले, आस नन्‍ना आली गुसन काना ही पाप नन्‍दस।”

ख़ने येसुस तंग्‍है चेलर ती बाचस, “ऎन निमन मानिम ब'अदन का उरुब आलर मेर्ख़ा राजी नू कोरना कोड़हे सस्‍ती र'ई।