Versets bibliques populaires de Римдегилерге 8

Partager

Бис билерис, Кудайды сӱӱп турган, Оныҥ табыла кычырылган улуска ончозы јакшыга иштеп јат.

Ӧлӱм де, јӱрӱм де, ангелдер де, ӧрӧги јаҥдар да, эмди болуп турганы да, келер ӧйлӧрдӧ дӧ болотоны, кандый да ийде-кӱч, теҥеридези де, алыс јердези де, јайалганныҥ бирӱзи де бисти Христос Иисус Кайраканыстыҥ Бойындагы Кудайдыҥ сӱӱжинеҥ айрып болбос деп, мен бӱдӱп јадым.

Анайда ок Тын да бисти, чине јок бойыбысты, тыҥыдат. Не деп, канайып мӱргийтенин бис билбезис. Је Тын Бойы сӧслӧ чыгара айдып болбос эттире улу тынып, бис учун јайнап јат.

База нени айдар? Кудай бис учун болзо, кем биске удура?

Анайдарда, Христос Иисусла кожо эт-канга эмес, Тынга башкартып јӱрген улусты јаргы бурулап болбос.

Санаагарда эт-кан башкарып турган болзо, – ол ӧлӱм, санаагарда Тын башкарып турган болзо, – ол јӱрӱм ле амыр

Је мыны ончозын биске карузып турган Кудайдыҥ болужыла јеҥип јадыбыс.

Эмдиги шырабыс, бис алар макка кӧрӧ, неге де турбас деп бодоп турум.

Бисти Кудайдыҥ сӱӱжинеҥ кем айрып койор? Ачу-корон бо, эмезе кысталаҥ ба? Истежӱ бе, эмезе торо бо? Тӱреҥи бе, јеткер бе, эмезе кылыш па?

Кудай јӱректеристи шиҥдеп, Тынныҥ санаазын билер, нениҥ учун дезе Тын агарулар учун Кудайдыҥ табыла сурап јат.

Кудайдыҥ Тынына башкартып јӱрген ончо улус Кудайдыҥ балдары болуп јадылар.

Эт-канга башкартып јӱрген улус эт-канныҥ кӱӱнин бӱдӱрейин деп, Тынга башкартып јӱрген улус Тынныҥ кӱӱнин бӱдӱрейин деп, сананып јадылар.

Ол Бойыныҥ Уулын килебей, ончобыс учун ӧлӱмге берип, Оныла кожо биске ончозын сыйлап бербес беди?

Ол ок Тын бистиҥ тынла кожо бисти Кудайдыҥ балдары деп керелейт. Балдары болзобыс, Кудайдыҥ берер болгонын аларыс. Мыны Христосло кожо аларыс. Оныла кожо шыралап турган болзобыс, Оныла кожо макталарыс.

нениҥ учун дезе эт-канныҥ кӱӱнин бӱдӱрейин деп умзанып јӱрген кижи Кудайла ӧштӧжӧт. Ол Кудайдыҥ Јасагына бакпайт, ого багып та болбойт.

Кудай Бойыныҥ балдарын макка кӧдӱрерин ончо јайалган неме энчикпей сакып јат ине.

Бис билерис, ончо јайалган эмдиге јетире кожо онтоп, кыйналып јат.