Versets bibliques populaires de Salmos 139

Partager

Tjikosáyahani kixin xi̱kaha kjui̱chꞌéna ti jeheni ijnko kjuaxroan ijié kjuáko̱xián. Kꞌuíkoni tíhi la kuitekaoni ti jaha.

Jaha Díos, tsjehé ti jeheni, tsjehé ti a̱séni. Tsjehé á jína itjeni. Jaha la noha ti nkehe tjenka̱yáxini. Tsjehé á ijnko nti̱a jínahña kuákjani la chrókjuinki̱tsa chrókjani chrókuákjani ti nti̱a jína tsjajon kjuachón nkochríxín.

Jaha mé kjui̱chꞌéna ti jeheni Jaha mé kjui̱chꞌénaxián ti jeheni nkaya tse̱e ti ìñéni.

Jaha la kꞌuikuan kjónté na̱xa̱ kokjíehyani. A̱ndá ti libro kuèntá sínixín kaín ti nkehe a. Ntiha ó sínixín nkekja̱ín ña̱o tsjakꞌechóni kjónté na̱xa̱ tjenhñani ti ña̱o a.

Jaha Itꞌéni Díos, ó noha kaín nkehe tjenka̱yáxin a̱séni la ko jaha jína choxián ti jeheni.

¿Nketí sáchrokjuini kixin chrókjuachani chrókuinkéheni ti Ncha̱kuán? ¿Xá nketí sáchrokjuini chrókuinkéheni ti jaha?

Jaha la noha nketí tjakꞌetja̱xi̱ni la ko nketí tꞌinkatje̱nxi̱ni; kjónté ikjín itjen, la jaha noha nkehe tjenka̱yáxini.

Kjónté na̱xa̱ noehñani ti nkehe tsonixjani, la jaha Itꞌéni Díos, la ó noha tíha.

Jaha la noha nkexrín xritjakꞌeni la noha kaín ixra̱ ichꞌeni.