Versets bibliques populaires de Mateo 11

Xrákira ti itjén janhan kaínra tsíkꞌóxrjéra tjejochꞌera ixra̱ la yámára nkehe iye, a̱ndá janhan tsakjijinhanra ti nkehe iye yámára ndá kjuaxróxin tso̱kꞌáhara.

*Tákjára ti ixra̱ tja̱hára la tꞌitjára ti nkehe kuénta̱na kixin janhan la jína a̱sená la ntankehya, la xi̱kaha tsꞌitjára nketí tso̱kꞌèxín a̱sánra.

Kixin ti ixra̱ tja̱hára la xra̱hya la ko ti nkehe tsamára la yehya.

*La kja̱xin ndáchro chꞌan: ―Tꞌaná mé kjuajon kaín nkehe la kohya ninkexró chaxín chóxin ti Xje̱en Díos, jehó ti Itꞌé chꞌan, la kohya nkexro chóxin ti Itꞌé chꞌan, jehó ti Xje̱en chꞌan la ko ti sin tsíkjeyá chꞌan kixin tsochóxin sin ti Itꞌé chꞌan.

Ndá kjuáte̱he chꞌin Jesús, ndáchro: ―Sátjira la chenkara Juan ti nkehe kꞌuíkonra la ko ti nkehe kuihínra. *Kixin ti sin kuékꞌikonhña la ó tꞌikon sin, ti sin xitjahya kꞌuékji la ó itji sin, ti sin kꞌuéchónta chin lepra la ó kuito̱he sin jína la ko ti sin kꞌuékienhña la ó tihin sin ijie. Kja̱xin ti sin tsíkꞌen la xechón sin la ko ti sin nóa la ó tihin sin ti itan jína tsaáxin sin.

Ti nkexro tjinkaon tsihin la chrókuihin jína.