Versets bibliques populaires de Rôm 3

Partager

Kyuadah jih jang mnuih soh leh sơăi leh anăn amâo tơl mâo klei guh kơang Aê Diê ôh, leh anăn diñu mâo hơăi mang klei yap kpă hŏng klei Aê Diê pap, hlăm klei Krist Yêsu bi tui.

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Aê Diê čuăn leh Yêsu Krist brei Ñu jing mnơ̆ng bi tui klei soh hŏng êrah Ñu, čiăng kơ arăng mă tŭ hŏng klei đăo. Klei anăn čiăng bi êdah klei kpă ênô Aê Diê, kyuadah hŏng klei gĭr Ñu lui amâo bi kmhal ôh klei soh arăng ngă êlâo tinăn. Klei Ñu gĭr anăn čiăng bi êdah ênuk anei klei Ñu pô jing kpă leh anăn klei Ñu yap kpă hlei pô đăo kơ Yêsu.

Kyuadah ti anăp Aê Diê amâo mâo sa čô mnuih ôh srăng mâo klei yap kpă hŏng bruă klei bhiăn, kyua hŏng klei bhiăn arăng thâo klei ñu jing soh leh.

tui si Klei Aê Diê Blŭ čih leh: “Amâo mâo mnuih kpă ôh, sa čô kăn mâo rei; amâo mâo sa čô thâo săng ôh, amâo mâo sa čô duah Aê Diê ôh. Jih jang klah đuĕ, leh anăn diñu jing soh leh sơăi; amâo mâo pô ngă klei jăk ôh, sa čô kăn mâo rei.”

Kyuadah drei đăo mnuih mâo klei yap kpă hŏng klei đăo, amâo djŏ hŏng bruă klei bhiăn ôh.

Hơăi, amâo dưi ôh! Aê Diê jing Pô sĭt, wăt tơdah jih jang mnuih jing phung luar, tui si Klei Aê Diê Blŭ čih leh: “Čiăng kơ Ih jing kpă hlăm klei Ih blŭ, leh anăn găl klei Ih hlăm klei phat kđi.”