Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">U P&#225;gdalaw nu M&#225;gkalalaki Hide a Tolay ni Jesus</div><div class="p"> 1Nadid tu panahun ni Hari Herodes, k&#225;ttapos a neenak ti Jesus tu banuwan a Betlehem a sakup nu Judea ay te dummem&#225;t a sasangan a m&#225;gkalalaki a tolay#2:1 Maari a pinagadalan de ay u biton hide, bulan sakay aldew. ti Jerusalem a g&#225;bwat ti Sikatan. 2N&#225;gtatanung&#225;n hide tu tolay hide a m&#225;gyan hod &#8220;H&#225;dya a neenak u anak a magin Hari nu Judio hide? Netan me hod ti Sikatan a lummitaw u biton a tanda nu k&#225;kkaenak na. Kanya inumangay kami he para ipeta mi u p&#225;gsamba me nikuna.&#8221;</div><div class="p"> 3Nikuna a nabaheta iye ni Hari Herodes ay naligalig siya pati be u katolayan ti Jerusalem. 4Kanya pinisan na u atanan a pupuno nu saserdote hide sakay u maistu hide nu Kautusan ni Moises. Sakay tinanung na hide &#8220;H&#225;dya beman a meenak u Cristo a inpanatu nu Diyos a magin hare nu tolay na hide?&#8221; 5Tin&#225;bbeg de siya &#8220;Tu lugar a Betlehem a sakup ni Judea. Dipo konna he u kinagi nu Diyos tu itod a insulat nu essa a propeta, 6&#8216;U lugar a Betlehem a sakup ti Juda ay mas tanyag nan tu agum a banuwan ti Juda, dipo hod a meenak u puno a mamahala sakay magpospos tu tolay ko hide a Israelita#2:6 Basa&#225;n u Micas 5:2. Tu panahun ni propeta Micas u luta a Judea ay nginahanan a Juda.&#8217; &#8221;</div><div class="p"> 7K&#225;ttapos a natukuyan iye ni Hari Herodes ay lihim na a pinadulaw u m&#225;gkalalaki hide a tolay a g&#225;bwat ti Sikatan. Tinukoy na nide ni nikan a lummitaw u biton t&#225;nni matukuyan na ni nikan a neenak u anak. 8Sakay pinaangay na hide ti Betlehem sakay imbilin na nide &#8220;Kad moy d&#225;n, ehyuk&#225;n moy ti hustu u anak. P&#225;kketa moy nikuna ay ipakapospos moy nik&#225;n a pagdaka t&#225;nni angay ku be siya bisita&#225;n sakay ipeta ko u p&#225;gsamba ko nikuna.&#8221;</div><div class="p"> 9K&#225;ttapos ay limmakad hide. U biton a netan de ti hod tu Sikatan ay netan de d&#225;mman. Dimmipalongo u biton nide hanggan immimang tu tapat nu p&#225;gyanan nu anak. 10Tunay ti saya u m&#225;gkalalaki hide a tolay a g&#225;bwat ti Sikatan nikuna netan de a immimang u biton. 11K&#225;ss&#225;dd&#225;p de tu bilay ay netan de u anak a kaguman nu ina na a ti Maria. Limmuhud hide sakay dinumapa bilang p&#225;ggalang de nikuna. K&#225;ttapos ay inluwas de u regaregaro de sakay inyat&#225;d de nikuna u regaregaro de a ginto, pas&#225;ppot a suub sakay mira#2:11 Tu panahon ni Jesus iye hide a regaregaro ay karapatdapat a iregaro tu essa a hare.. 12Nadid linakad de u iba a dilan a soli tu bansa de dipo binawalan hide nu Diyos tu pamamagitan nu tagin&#225;p a dyan d&#225;n hide soli ni Herodes.</div><div class="s">Gimminan ti Jose ti Egipto a Kaguman u Pamilya Na</div><div class="p"> 13Nadid nikuna nakahektat d&#225;n u M&#225;gkalalaki hide a tolay ay pinumeta u essa a anghel nu Panginoon ni Jose tu tagin&#225;p na. Sakay kinagi na &#8220;Umik&#225;t ka d&#225;n Jose. Iyangay mo ti Egipto u matina mo sakay dyan kam lumakad hod hanggan awan ko kagiy&#225;n niko. Dipo ehyuk&#225;n ni Herodes u anak para bunuw&#225;n.&#8221; 14Kanya inumikat ti Jose sakay linumakad hide ti itona a gibi sakay inyangay na u matina na ti Egipto. 15Sakay n&#225;gyan hide hod hanggan natay ti Herodes. Nangyari iye para matupad u impekagi nu Panginoon tu propeta na tu itod pa a &#8220;Dinulawan ko u anak ko a lumakad ti Egipto#2:15 Basaan tu Oseas 11:1&#8221;.</div><div class="s">Impabuno ni Herodes U B&#225;bbadit Hide a Anak a L&#225;llake</div><div class="p"> 16Nadid nikuna biyag padla ti Herodes sakay nakalakad d&#225;n di Jose ti Betlehem, natukuyan ni Herodes a naessaan siya nu bisita hide a g&#225;bwat ti Sikatan. Naiyamut siya a tahod. Kanya inutusan na u sundalo na hide a bunuw&#225;n de u atanan a anak a l&#225;llake a te idad a duwwa a taon sakay pababa a m&#225;gyan ti Betlehem sakay tu palebut na hide a lugar. U nagin giya na tu idad nu anak hide a bunuw&#225;n ay ayun tu natukuyan na a kinagi nu m&#225;gkalalake hide a tolay tu panahun nu k&#225;llitaw nu biton. 17Kanya natupad u kinagi ni propeta Jeremias tu itod a 18&#8220;Masaneg tu banuwan a Rama#2:18 U banuwan a Rama ay adeni ti Jerusalem. u mabegs&#225;k a sangetan. Sangitan nu apo hide ni Raquel#2:18 Ti Raquel ay u essa a kabanga ni Jacob a ina ni Jose sakay ni Benjamin. Siya u tengiyan nu Judio hide a ina nu banuwan de. u aanak de. Sala de a pahapaha&#225;n hide dipo n&#225;gkatay d&#225;n u anak de hide#2:18 Basaan tu Jeremias 31:15.&#8221;</div><div class="s">Nagsoli di Jose ti Israel</div><div class="p"> 19Nadid nikuna a natay ti Herodes, ay te essa a anghel nu Panginoon a pinumeta tu tagin&#225;p ni Jose hod ti Egipto. 20Kinagi na &#8220;Jose umikat ka d&#225;n. Angay mu d&#225;n isole u p&#225;ttena mo ti Israel dipo natay d&#225;n u gusto a mangbuno tu anak.&#8221; 21Kanya inumikat ti Jose sakay nagsoli hide a m&#225;ttama ti Israel. 22Pero nikuna nabaheta ni Jose a u pinumalit ni Herodes bilang hare ti Judea ay u anak na a ti Arquelao ay nanteng siya a sumoli hod. Sakay binawalan siya nu Panginoon tu pamamagitan nu tagin&#225;p kanya immangay siya ti Galilea#2:22 U sakup hide a probinsiya nu bansa a Israel ay Samaria, Galilea sakay Judea.. 23Sakay n&#225;gyan hide ti Nazaret a sakup ni Galilea t&#225;nni matupad u kinagi nu propeta tu itod pa a &#8220;Mangahanan siya a taga Nazaret.&#8221;</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid tu panahun ni Hari Herodes, káttapos a neenak ti Jesus tu banuwan a Betlehem a sakup nu Judea ay te dummemát a sasangan a mágkalalaki a tolay ti Jerusalem a gábwat ti Sikatan. Nágtatanungán hide tu tolay hide a mágyan hod “Hádya a neenak u anak a magin Hari nu Judio hide? Netan me hod ti Sikatan a lummitaw u biton a tanda nu kákkaenak na. Kanya inumangay kami he para ipeta mi u págsamba me nikuna.”
Nikuna a nabaheta iye ni Hari Herodes ay naligalig siya pati be u katolayan ti Jerusalem. Kanya pinisan na u atanan a pupuno nu saserdote hide sakay u maistu hide nu Kautusan ni Moises. Sakay tinanung na hide “Hádya beman a meenak u Cristo a inpanatu nu Diyos a magin hare nu tolay na hide?” Tinábbeg de siya “Tu lugar a Betlehem a sakup ni Judea. Dipo konna he u kinagi nu Diyos tu itod a insulat nu essa a propeta, ‘U lugar a Betlehem a sakup ti Juda ay mas tanyag nan tu agum a banuwan ti Juda, dipo hod a meenak u puno a mamahala sakay magpospos tu tolay ko hide a Israelita.’ ”
Káttapos a natukuyan iye ni Hari Herodes ay lihim na a pinadulaw u mágkalalaki hide a tolay a gábwat ti Sikatan. Tinukoy na nide ni nikan a lummitaw u biton tánni matukuyan na ni nikan a neenak u anak. Sakay pinaangay na hide ti Betlehem sakay imbilin na nide “Kad moy dán, ehyukán moy ti hustu u anak. Pákketa moy nikuna ay ipakapospos moy nikán a pagdaka tánni angay ku be siya bisitaán sakay ipeta ko u págsamba ko nikuna.”
Káttapos ay limmakad hide. U biton a netan de ti hod tu Sikatan ay netan de dámman. Dimmipalongo u biton nide hanggan immimang tu tapat nu págyanan nu anak. Tunay ti saya u mágkalalaki hide a tolay a gábwat ti Sikatan nikuna netan de a immimang u biton. Kássáddáp de tu bilay ay netan de u anak a kaguman nu ina na a ti Maria. Limmuhud hide sakay dinumapa bilang pággalang de nikuna. Káttapos ay inluwas de u regaregaro de sakay inyatád de nikuna u regaregaro de a ginto, pasáppot a suub sakay mira. Nadid linakad de u iba a dilan a soli tu bansa de dipo binawalan hide nu Diyos tu pamamagitan nu tagináp a dyan dán hide soli ni Herodes.

Nadid nikuna nakahektat dán u Mágkalalaki hide a tolay ay pinumeta u essa a anghel nu Panginoon ni Jose tu tagináp na. Sakay kinagi na “Umikát ka dán Jose. Iyangay mo ti Egipto u matina mo sakay dyan kam lumakad hod hanggan awan ko kagiyán niko. Dipo ehyukán ni Herodes u anak para bunuwán.” Kanya inumikat ti Jose sakay linumakad hide ti itona a gibi sakay inyangay na u matina na ti Egipto. Sakay nágyan hide hod hanggan natay ti Herodes. Nangyari iye para matupad u impekagi nu Panginoon tu propeta na tu itod pa a “Dinulawan ko u anak ko a lumakad ti Egipto”.

Nadid nikuna biyag padla ti Herodes sakay nakalakad dán di Jose ti Betlehem, natukuyan ni Herodes a naessaan siya nu bisita hide a gábwat ti Sikatan. Naiyamut siya a tahod. Kanya inutusan na u sundalo na hide a bunuwán de u atanan a anak a lállake a te idad a duwwa a taon sakay pababa a mágyan ti Betlehem sakay tu palebut na hide a lugar. U nagin giya na tu idad nu anak hide a bunuwán ay ayun tu natukuyan na a kinagi nu mágkalalake hide a tolay tu panahun nu kállitaw nu biton. Kanya natupad u kinagi ni propeta Jeremias tu itod a “Masaneg tu banuwan a Rama u mabegsák a sangetan. Sangitan nu apo hide ni Raquel u aanak de. Sala de a pahapahaán hide dipo nágkatay dán u anak de hide.”

Nadid nikuna a natay ti Herodes, ay te essa a anghel nu Panginoon a pinumeta tu tagináp ni Jose hod ti Egipto. Kinagi na “Jose umikat ka dán. Angay mu dán isole u páttena mo ti Israel dipo natay dán u gusto a mangbuno tu anak.” Kanya inumikat ti Jose sakay nagsoli hide a máttama ti Israel. Pero nikuna nabaheta ni Jose a u pinumalit ni Herodes bilang hare ti Judea ay u anak na a ti Arquelao ay nanteng siya a sumoli hod. Sakay binawalan siya nu Panginoon tu pamamagitan nu tagináp kanya immangay siya ti Galilea. Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Écouter Mateo 2