Mai Brat: Watum ro Tuhan Bosi ro Tna (New Testament+)

© 2005 Wycliffe Bible Translators, Inc. in cooperation with Yayasan Sumber Sejahtera, 2005
℗ 2021 Hosanna

Watum ro Tuhan Bosi ro Tna

<div class="version vid2398 iso6393ayz" data-vid="2398" data-iso6393="ayz">
 <div class="book bkMRK">
 <div class="chapter ch2" data-usfm="MRK.2">
 <div class="label">2</div><div class="s">Yesus yisoh raa ro yatem yaa mhai sait</div><div class="p"> 1Ti baro firwas tna Yesus hah ye yamo&#700;t Kapernaum. Raa mkyas mawe Ait yhau mam samu mato. 2Tna raa msis-sas mama mros mur mtan samu reto: Taro mros tabam, taro mros mam isit, tna amah mato matot mkah raa ye. Yesus ykyas bokyas ro Allah k&#700;ana beta. 3Mam weto to, raa baro naut mama. Tna ana mabo jiit nkatar ait ro yaa mhai sait mama. Mama mawe makah ait mama mo k&#700;Yesus. 4He raa mawat burut wa Yesus. Feto to ana makah ait maut aby&#245; mam ti manaf. Tna ana mitrah ti manaf reto baro mno hroh mam wore Yesus yros mte. Tna mruk ait mkah sese rait ye. Mruk mam ti samu mato. 5Yesus ymat ana tna yhar yawe ana smot Ait matak. Tibyo Yesus yawe k&#700;ait ro yaa mhai retait yawe, &#8220;Ku aJ&#245;, iro wony&#245; to, J&#245; tyon oh.&#8221;</div><div class="p"> 6 Guru agama Yahudi baro hre mam weto ye. Ana mari bo ro Yesus yawe feto tna mnaut mawe, 7&#8220;Ait refi ykyas bo bawya meto? Bo ro Ait yawe to berasi Allah! Awya ytai yyon iro? Allah yesait aran sai!&#8221; 8Menohe Yesus yhar bo ro ana mnaut mam srau mato wana. Tna Ait yawe k&#700;ana yawe, &#8220;Fyi re anu nnaut bo weto mam srau mato wanu to? 9Soh J&#245; tawe k&#700;ait refi tawe &#8216;Iro wony&#245; to, J&#245; tyon oh.&#8217; Bo ro msai fee: Kbe raa mahni bo reto mabo fe mfe a. Menohe tawe, &#8216;Nasen, beah aam any&#245;, tna namo bony&#245; oh!&#8217; Tawe feto afo re kbe raa mmat bo reto mabo. Mmat tna mhar mawe J&#245; ttai tno bo ewok ye. Ewok ye mnan-nan k&#700;J&#245; sai. 10J&#245; fi 'Ait ro Yroh Yama Yfi Raa Sai'. Tna bo ro kbe J&#245; tno fo, J&#245; tno re kbe anu nhar nwe J&#245; tatak tyon iro raa mam tabam refo.&#8221; Tna Yesus yawe k&#700;Ait ro yaa mhai retait yawe, 11&#8220;Nasen, tubat sese any&#245;, tna nasom namo bony&#245; oh!&#8221; 12Tna ait yasen, tubat sese rait fooh, tna frok yamo. Raa beta mmat bo msai ro Yesus yno reto. Tibyo mrok ktak tna mbaut Allah mawe, &#8220;Anu ja bmat bo ro mfi fefo aro fefares sai!&#8221;</div><div class="s">Yesus ytu Lewi yama kro Ait</div><div class="p"> 13Yesus ybam Kapernaum hah ye yamo&#700;t maru maam ro Galilea u. Raa msis-sas mama mo k&#700;Ait tna Ait ykyas bo k&#700;ana. 14Ait ykyas bo mkak, tna fo yamo. Ait yamo nkri-kri fo, ymat raa sait ro ja yoo namabyoh (pajak) yee k&#700;pemerintah ro Roma. Yasom Lewi, ku ro bi Alfeus yare.#2:14 Lewi tait, ja raa mtu yasom Matius ye. Bi ait hre mam kantor ro namabyoh rait. Tna Yesus ytu k&#700;ait yawe, &#8220;Nama kro J&#245; bmo!&#8221; Lewi yari feto, tibyo ait yasen kro Yesus mamo.</div><div class="p"> 15Ti sau fo, Yesus ysya kuber wAit mait boit mam amah ro bi Lewi. Tna raa ro ja moo namabyoh msya raa ro ja mno iro bo mawat to mama mait boit su msya ana ye. Ana weto mawat masen kro Yesus oh. 16Raa Farisi ro mamo guru agama baro mmat Yesus yait boit su ysya raa weto. Tna ana mtu kuber wAit mawe, &#8220;Fyi re Yesus yait boit su ysya raa ro moo namabyoh tna msya raa ro ja mno iro bo weto?&#8221; 17Yesus yari bo ro ana mawe feto tibyo yawe k&#700;ana yawe, &#8220;Raa ro metsu moof to, ja mamo saso dokter fee. Ja raa ro kiyam oh mi mamo saso dokter to. J&#245; tama ttu raa ro mhaf moof to fee. Menohe J&#245; tama ttu raa ro mno iro.&#8221;</div><div class="s">Yesus yawe bokyas rAit to bokyas ro tna</div><div class="p"> 18Ati sau fo, kuber ro Yohanes Pembaptis wait msya raa ro Farisi mhau bo ro mait re skabuk k&#700;Allah kaket. Tna raa mama mo k&#700;Yesus tna mtu k&#700;Ait mawe, &#8220;Fyi re kuber ro Yohanes msya kuber ro Farisi mhau bo ro mait. Menohe kuber wony&#245; mhau bo ro mait to fee?&#8221; 19Yesus ykyas bofret k&#700;ana yawe, &#8220;Ati ro raa sait ymen fnya to, ja raa mno bo bawya? Anu nwe k&#700;ait yafoh wait ro mama to, nwe ana mhau bo ro mait sai a? Mfe! Ana maky&#245; boky&#245; fea! Ana maky&#245; boky&#245; wia. 20Tna fo raa moo ait makah mamo. Ati reto to, kbe mafoh wana sraujin tibyo mhau bo ro mait. Kuber woJ&#245; mfi feto ye. J&#245; thau tsya ana fares fo, ana sraujin fee. Menohe ati ro J&#245; sikba ana tamo to, kbe ana sraujin tibyo mhau bo ro mait ye.&#8221;</div><div class="p"> 21Tna Yesus ykyas bofret ewok naut k&#700;ana yawe, &#8220;Mfi bo ratan matah ro hri-hra sau. Ja fnya moo hawee ftah mabuf ro tna to, maru ratan ro matah to fee. Soh au mtin feto to, kbe tis mkair. Kbe hawee ftah mabuf reto mno tibyo ratan reto mrok mhah renti. &#8990;Feto ye iso bose raa mabi ro Yahudi ja mamo to, hayah. Tna iso tna ro J&#245; terif refo fo hayah ye. Tna iso ewok reto srioh anya ye fee.&#8991;</div><div class="p"> 22Feto ye, Ja raa mror anggur maya ro tna mam baah marak ro matah fee. Anggur maya reto mno baah marak reto matu mbua. Tna kbe anggur maya reto maus miyi mroh mamo mkak. Anggur maya ro tna to, ja raa moo mror mam baah marak ro tna sai.&#8221;</div><div class="s">Ay&#245; ro ja raa ntmoh</div><div class="p"> 23Ay&#245; ro raa ntmoh (hari Sabat) sau to, Yesus ysya kuber wAit mamo frit iti mam armato ro gandum sau. Kuber wAit mhai sre, tibyo mryoh gandum make baro mait. 24Menohe raa ro Farisi mmat feto, tibyo mawe k&#700;Yesus mawe, &#8220;Yesus fi, nmat kuber woNy&#245; mno bo toto sai meto a? Ana mryoh gandum make mam ay&#245; ro raa wanu ntmoh to. Ana mno fyi meto? Mno bo reto to, ana miwer Watum ro agama ranu oh meto!&#8221;</div><div class="p"> 25Tna Yesus yawe, &#8220;Anu nnaut Bokom ro Allah fe mfe a? Bokom reto mkyas bo ro tiwya raja Daud yno. Tiwya ait ysya raa wait mhai awyah tna mnaut bo ro mait. 26Mam wore weto to bi Abyatar yamo imam agama Yahudi ro yase to. Ati sau to, Daud ysya raa wait hai sre. Tna ait twok mam Samu ro Allah mato. Tna yoo roti ro raa msan k&#700;Allah. Roti reto mbau. Menohe ait yoo yait. Roti reto to, ja imam na mesait aran mait. Tna ait yoo tna yee k&#700;raa wait mait ye. 27Menohe Allah yawe Daud yno bo mkair fee. Allah yatmof raa. Au oh mi yno ay&#245; ro raa ntmoh to. Yawe raa mhau baas kebet baro afo re mno ana metsu me mrok matak ye. Ait yawe ay&#245; ro raa ntmoh to, bo ro samyoh fee. 28Feto to, J&#245; tawe k&#700;anu tawe, J&#245; fi 'Ait ro Yroh Yama Yfi Raa Sai'. J&#245; tatak tbo ay&#245; ro raa ntmoh ye.&#8221;</div>
 </div>
 </div>
</div>

Ti baro firwas tna Yesus hah ye yamoʼt Kapernaum. Raa mkyas mawe Ait yhau mam samu mato. Tna raa msis-sas mama mros mur mtan samu reto: Taro mros tabam, taro mros mam isit, tna amah mato matot mkah raa ye. Yesus ykyas bokyas ro Allah kʼana beta. Mam weto to, raa baro naut mama. Tna ana mabo jiit nkatar ait ro yaa mhai sait mama. Mama mawe makah ait mama mo kʼYesus. He raa mawat burut wa Yesus. Feto to ana makah ait maut abyõ mam ti manaf. Tna ana mitrah ti manaf reto baro mno hroh mam wore Yesus yros mte. Tna mruk ait mkah sese rait ye. Mruk mam ti samu mato. Yesus ymat ana tna yhar yawe ana smot Ait matak. Tibyo Yesus yawe kʼait ro yaa mhai retait yawe, “Ku aJõ, iro wonyõ to, Jõ tyon oh.”
Guru agama Yahudi baro hre mam weto ye. Ana mari bo ro Yesus yawe feto tna mnaut mawe, “Ait refi ykyas bo bawya meto? Bo ro Ait yawe to berasi Allah! Awya ytai yyon iro? Allah yesait aran sai!” Menohe Yesus yhar bo ro ana mnaut mam srau mato wana. Tna Ait yawe kʼana yawe, “Fyi re anu nnaut bo weto mam srau mato wanu to? Soh Jõ tawe kʼait refi tawe ‘Iro wonyõ to, Jõ tyon oh.’ Bo ro msai fee: Kbe raa mahni bo reto mabo fe mfe a. Menohe tawe, ‘Nasen, beah aam anyõ, tna namo bonyõ oh!’ Tawe feto afo re kbe raa mmat bo reto mabo. Mmat tna mhar mawe Jõ ttai tno bo ewok ye. Ewok ye mnan-nan kʼJõ sai. Jõ fi 'Ait ro Yroh Yama Yfi Raa Sai'. Tna bo ro kbe Jõ tno fo, Jõ tno re kbe anu nhar nwe Jõ tatak tyon iro raa mam tabam refo.” Tna Yesus yawe kʼAit ro yaa mhai retait yawe, “Nasen, tubat sese anyõ, tna nasom namo bonyõ oh!” Tna ait yasen, tubat sese rait fooh, tna frok yamo. Raa beta mmat bo msai ro Yesus yno reto. Tibyo mrok ktak tna mbaut Allah mawe, “Anu ja bmat bo ro mfi fefo aro fefares sai!”

Yesus ybam Kapernaum hah ye yamoʼt maru maam ro Galilea u. Raa msis-sas mama mo kʼAit tna Ait ykyas bo kʼana. Ait ykyas bo mkak, tna fo yamo. Ait yamo nkri-kri fo, ymat raa sait ro ja yoo namabyoh (pajak) yee kʼpemerintah ro Roma. Yasom Lewi, ku ro bi Alfeus yare. Bi ait hre mam kantor ro namabyoh rait. Tna Yesus ytu kʼait yawe, “Nama kro Jõ bmo!” Lewi yari feto, tibyo ait yasen kro Yesus mamo.
Ti sau fo, Yesus ysya kuber wAit mait boit mam amah ro bi Lewi. Tna raa ro ja moo namabyoh msya raa ro ja mno iro bo mawat to mama mait boit su msya ana ye. Ana weto mawat masen kro Yesus oh. Raa Farisi ro mamo guru agama baro mmat Yesus yait boit su ysya raa weto. Tna ana mtu kuber wAit mawe, “Fyi re Yesus yait boit su ysya raa ro moo namabyoh tna msya raa ro ja mno iro bo weto?” Yesus yari bo ro ana mawe feto tibyo yawe kʼana yawe, “Raa ro metsu moof to, ja mamo saso dokter fee. Ja raa ro kiyam oh mi mamo saso dokter to. Jõ tama ttu raa ro mhaf moof to fee. Menohe Jõ tama ttu raa ro mno iro.”

Ati sau fo, kuber ro Yohanes Pembaptis wait msya raa ro Farisi mhau bo ro mait re skabuk kʼAllah kaket. Tna raa mama mo kʼYesus tna mtu kʼAit mawe, “Fyi re kuber ro Yohanes msya kuber ro Farisi mhau bo ro mait. Menohe kuber wonyõ mhau bo ro mait to fee?” Yesus ykyas bofret kʼana yawe, “Ati ro raa sait ymen fnya to, ja raa mno bo bawya? Anu nwe kʼait yafoh wait ro mama to, nwe ana mhau bo ro mait sai a? Mfe! Ana makyõ bokyõ fea! Ana makyõ bokyõ wia. Tna fo raa moo ait makah mamo. Ati reto to, kbe mafoh wana sraujin tibyo mhau bo ro mait. Kuber woJõ mfi feto ye. Jõ thau tsya ana fares fo, ana sraujin fee. Menohe ati ro Jõ sikba ana tamo to, kbe ana sraujin tibyo mhau bo ro mait ye.”
Tna Yesus ykyas bofret ewok naut kʼana yawe, “Mfi bo ratan matah ro hri-hra sau. Ja fnya moo hawee ftah mabuf ro tna to, maru ratan ro matah to fee. Soh au mtin feto to, kbe tis mkair. Kbe hawee ftah mabuf reto mno tibyo ratan reto mrok mhah renti. ⌞Feto ye iso bose raa mabi ro Yahudi ja mamo to, hayah. Tna iso tna ro Jõ terif refo fo hayah ye. Tna iso ewok reto srioh anya ye fee.⌟
Feto ye, Ja raa mror anggur maya ro tna mam baah marak ro matah fee. Anggur maya reto mno baah marak reto matu mbua. Tna kbe anggur maya reto maus miyi mroh mamo mkak. Anggur maya ro tna to, ja raa moo mror mam baah marak ro tna sai.”

Ayõ ro raa ntmoh (hari Sabat) sau to, Yesus ysya kuber wAit mamo frit iti mam armato ro gandum sau. Kuber wAit mhai sre, tibyo mryoh gandum make baro mait. Menohe raa ro Farisi mmat feto, tibyo mawe kʼYesus mawe, “Yesus fi, nmat kuber woNyõ mno bo toto sai meto a? Ana mryoh gandum make mam ayõ ro raa wanu ntmoh to. Ana mno fyi meto? Mno bo reto to, ana miwer Watum ro agama ranu oh meto!”
Tna Yesus yawe, “Anu nnaut Bokom ro Allah fe mfe a? Bokom reto mkyas bo ro tiwya raja Daud yno. Tiwya ait ysya raa wait mhai awyah tna mnaut bo ro mait. Mam wore weto to bi Abyatar yamo imam agama Yahudi ro yase to. Ati sau to, Daud ysya raa wait hai sre. Tna ait twok mam Samu ro Allah mato. Tna yoo roti ro raa msan kʼAllah. Roti reto mbau. Menohe ait yoo yait. Roti reto to, ja imam na mesait aran mait. Tna ait yoo tna yee kʼraa wait mait ye. Menohe Allah yawe Daud yno bo mkair fee. Allah yatmof raa. Au oh mi yno ayõ ro raa ntmoh to. Yawe raa mhau baas kebet baro afo re mno ana metsu me mrok matak ye. Ait yawe ayõ ro raa ntmoh to, bo ro samyoh fee. Feto to, Jõ tawe kʼanu tawe, Jõ fi 'Ait ro Yroh Yama Yfi Raa Sai'. Jõ tatak tbo ayõ ro raa ntmoh ye.”

Écouter Markus 2