Bible Text in Toraja © 2009 Lembaga Alkitab Indonesia www.alkitab.or.id/
Audio recording of the Bible Text ℗ 2016 Hosanna

Sura' Madatu 2016 (Non-Drama NT)

Toraja - Formal Toraja Version, 2009 (NT) Drama

<div class="version vid159 iso6393sda" data-vid="159" data-iso6393="sda">
   <div class="book bkPHP">
      <div class="chapter ch2" data-usfm="PHP.2">
         <div class="label">2</div><div class="s"><span class="heading">Pa&#8217;pakilala diona kasisanginaan umpopengkadiongan penaa unturu&#8217; sangka&#8217;Na Kristus</span></div><div class="s1"><span class="heading">2:1-11</span></div><div class="p"><span class="content">  </span><span class="verse v1" data-usfm="PHP.2.1"><span class="label">1</span><span class="content">Iamoto, iake denni pa&#8217;pakilala tete dio Kristus, iake denni pa&#8217;pakatana pa&#8217;kaboro&#8217;, iake denni kasiturusan Penaa, iake denni kamamasean sia kamaturu-turuan,</span></span></div><div class="m"><span class="verse v1" data-usfm="PHP.2.1"><span class="content">  </span></span><span class="verse v2" data-usfm="PHP.2.2"><span class="label">2</span><span class="content">sundunnimi tu kaparannuangku, ammi misa&#8217; penaa, sia misa&#8217; pa&#8217;kaboro&#8217;, sangpa&#8217;inaan sia sanguluanri la miinaa-naa.</span></span></div><div class="m"><span class="verse v2" data-usfm="PHP.2.2"><span class="content">  </span></span><span class="verse v3" data-usfm="PHP.2.3"><span class="label">3</span><span class="content">Moi misa&#8217; da mipogau&#8217;i situru&#8217; katuo-misan ba&#8217;tu matampo, sangadinna situru&#8217; penaa madiongan, pantan ussanga kalena madiong anna to senga&#8217;,</span></span></div><div class="m"><span class="verse v3" data-usfm="PHP.2.3"><span class="content">  </span></span><span class="verse v4" data-usfm="PHP.2.4"><span class="label">4</span><span class="content">Da ammi pantan umpoinaa misa kalemi, sangadinna diona duka to senga&#8217;.</span></span></div><div class="m"><span class="verse v4" data-usfm="PHP.2.4"><span class="content">  </span></span><span class="verse v5" data-usfm="PHP.2.5"><span class="label">5</span><span class="content">Palan ara&#8217;mi te inaa iate, tu dennamo lan penaanNa Kristus Yesu,</span></span></div><div class="m"><span class="verse v5" data-usfm="PHP.2.5"><span class="content">  </span></span><span class="verse v6" data-usfm="PHP.2.6"><span class="label">6</span><span class="content">tu moi anNa pada Ia a&#8217;ganNa Puang Matua, apa diona tu kapada-tandeanNa Puang Matua tae&#8217; nasangai misa&#8217; apa la nala&#8217;ka&#8217;I,</span></span></div><div class="m"><span class="verse v6" data-usfm="PHP.2.6"><span class="content">  </span></span><span class="verse v7" data-usfm="PHP.2.7"><span class="label">7</span><span class="content">sangadinna umpabongko Kalena menna&#8217;ga kaunan sia pada-pada tolino, anna pasiruanNa susi tolino;</span></span></div><div class="m"><span class="verse v7" data-usfm="PHP.2.7"><span class="content">  </span></span><span class="verse v8" data-usfm="PHP.2.8"><span class="label">8</span><span class="content">sia umpamadiongmo Kalena sia mengkaola lako Puang Matua landa&#8217; lako kamatean, ontongpi landa&#8217; lako matena dao kayu pea&#8217;ta&#8217;.</span></span></div><div class="m"><span class="verse v8" data-usfm="PHP.2.8"><span class="content">  </span></span><span class="verse v9" data-usfm="PHP.2.9"><span class="label">9</span><span class="content">Iamoto anNa pamalangka&#8217; tonganNi Puang Matua sia Napa&#8217;kamasean lako Kalena tu Sanga, undaoan nasangi tu mintu&#8217; sanga,</span></span></div><div class="m"><span class="verse v9" data-usfm="PHP.2.9"><span class="content">  </span></span><span class="verse v10" data-usfm="PHP.2.10"><span class="label">10</span><span class="content">kumua anna lan sanganNa Yesu la malinguntu&#8217; tu mintu&#8217; guntu&#8217;, la iatu daona langi&#8217;, la lanna te lino, la iatu diongna lu te lino,</span></span></div><div class="m"><span class="verse v10" data-usfm="PHP.2.10"><span class="content">  </span></span><span class="verse v11" data-usfm="PHP.2.11"><span class="label">11</span><span class="content">sia mintu&#8217; puduk mangaku, kumua Yesu Kristus tu Puang, la napomala&#8217;bi&#8217; Puang Matua, Iamotu Ambe&#8217;.</span></span></div><div class="s"><span class="heading">Pa&#8217;pakilala umpengkullei kamakarimmanan</span></div><div class="s1"><span class="heading">2:12-18</span></div><div class="m"><span class="verse v11" data-usfm="PHP.2.11"><span class="content">  </span></span><span class="verse v12" data-usfm="PHP.2.12"><span class="label">12</span><span class="content">Iamoto, e kamu mintu&#8217; pa&#8217;kaboro&#8217;ku, susitu biasanna mengkaola bangkomi, tangia manna ke diona&#8217; ren, sangadinna ondong pole&#8217;pa ke pa&#8217;dena&#8217;, karitutui tu kamakarimmanan kalemi situru&#8217; kamatakuran sia kama&#8217;parondoan,</span></span></div><div class="m"><span class="verse v12" data-usfm="PHP.2.12"><span class="content">  </span></span><span class="verse v13" data-usfm="PHP.2.13"><span class="label">13</span><span class="content">belanna Puang Matua Ia umpasirundunanni lan kalemi, la iatu diongna penaa, la dipogau&#8217;na tete dio kamasorokanNa.</span></span></div><div class="m"><span class="verse v13" data-usfm="PHP.2.13"><span class="content">  </span></span><span class="verse v14" data-usfm="PHP.2.14"><span class="label">14</span><span class="content">Pogau&#8217;mi tu mintu&#8217;na, da mipaturu&#8217;i ma&#8217;nuku-nuku, sia kasite&#8217;geran,</span></span></div><div class="m"><span class="verse v14" data-usfm="PHP.2.14"><span class="content">  </span></span><span class="verse v15" data-usfm="PHP.2.15"><span class="label">15</span><span class="content">anna tae&#8217; salami sia anna masallo&#8217; penaammi, ammi dadi anak tang sayuanNa Puang Matua dio lu tu mai to kelok sia leko&#8217;, ammi pandala-dala lako kalena susito apa parrang lan te lino,</span></span></div><div class="m"><span class="verse v15" data-usfm="PHP.2.15"><span class="content">  </span></span><span class="verse v16" data-usfm="PHP.2.16"><span class="label">16</span><span class="content">ammi pa&#8217;petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara&#8217;tasangku tae&#8217; nalao sala.</span></span></div><div class="m"><span class="verse v16" data-usfm="PHP.2.16"><span class="content">  </span></span><span class="verse v17" data-usfm="PHP.2.17"><span class="label">17</span><span class="content">Moi susinna anna dipato&#8217;do raraku dibolloan pemala&#8217; sia pesuru&#8217; kapatonganammi, parannu duka penaangku sia sende-sendena&#8217; sisola kamu massola nasang,</span></span></div><div class="m"><span class="verse v17" data-usfm="PHP.2.17"><span class="content">  </span></span><span class="verse v18" data-usfm="PHP.2.18"><span class="label">18</span><span class="content">susi dukamoto la parrannukomi sia sendeki&#8217; sola.</span></span></div><div class="s"><span class="heading">Diona Timotius sola Epafroditus</span></div><div class="s1"><span class="heading">2:19-30</span></div><div class="m"><span class="verse v18" data-usfm="PHP.2.18"><span class="content">  </span></span><span class="verse v19" data-usfm="PHP.2.19"><span class="label">19</span><span class="content">Apa urrannuanna&#8217; pangeloranNa Puang Yesu, la ussuana&#8217; Timotius madomi&#8217; mati&#8217;, anna matana penaangku, to ke kuissanmi tu mintu&#8217; torro ke&#8217;de&#8217;mi.</span></span></div><div class="m"><span class="verse v19" data-usfm="PHP.2.19"><span class="content">  </span></span><span class="verse v20" data-usfm="PHP.2.20"><span class="label">20</span><span class="content">Belanna tae&#8217; tau misa&#8217; dio kaleku, tu susi penaanna, sia lantuk tongan la umpa&#8217;inaai tu mintu&#8217; mipelambeinna.</span></span></div><div class="m"><span class="verse v20" data-usfm="PHP.2.20"><span class="content">  </span></span><span class="verse v21" data-usfm="PHP.2.21"><span class="label">21</span><span class="content">Belanna pantan kalena manna natiroan, tangia diona Kristus Yesu.</span></span></div><div class="m"><span class="verse v21" data-usfm="PHP.2.21"><span class="content">  </span></span><span class="verse v22" data-usfm="PHP.2.22"><span class="label">22</span><span class="content">Anna miissanmo tu kamarurusanna tu mangka disudi, kumua susi anak anna ambe&#8217;, susi dukamoto tu kamengkaolanna lako kaleku lan kadipalolanganna Kareba-kaparannuan.</span></span></div><div class="m"><span class="verse v22" data-usfm="PHP.2.22"><span class="content">  </span></span><span class="verse v23" data-usfm="PHP.2.23"><span class="label">23</span><span class="content">Kurannuan la ussuai mati&#8217; madomi&#8217;, to ke kutiromi tumba katampakanna tu diona torro ke&#8217;de&#8217;ku.</span></span></div><div class="m"><span class="verse v23" data-usfm="PHP.2.23"><span class="content">  </span></span><span class="verse v24" data-usfm="PHP.2.24"><span class="label">24</span><span class="content">Apa urrannuanna&#8217; pangeloranNa Puang, angku batangi kalenai male mati&#8217; madomi&#8217;.</span></span></div><div class="m"><span class="verse v24" data-usfm="PHP.2.24"><span class="content">  </span></span><span class="verse v25" data-usfm="PHP.2.25"><span class="label">25</span><span class="content">Apa kusanga sipatu duka kusua mati&#8217; tu Epafroditus, siulu&#8217;ku sia sangayokangku lan pentoeangku sia kaparariangku, tu to misua umparakaina&#8217; lan kakurangangku,</span></span></div><div class="m"><span class="verse v25" data-usfm="PHP.2.25"><span class="content">  </span></span><span class="verse v26" data-usfm="PHP.2.26"><span class="label">26</span><span class="content">lendu&#8217; mamali&#8217;na lako kamu sola nasang, sia ma&#8217;rundede duka penaanna tu belanna mirangimo kumua masaki.</span></span></div><div class="m"><span class="verse v26" data-usfm="PHP.2.26"><span class="content">  </span></span><span class="verse v27" data-usfm="PHP.2.27"><span class="label">27</span><span class="content">Inang masaki tongan, sidi&#8217;mora namate, apa Nakamasei Puang Matua, sia tangia ia manna, sangadinna aku duka kumua da anna sakerangngan-rangnganna tu kamasussangku.</span></span></div><div class="m"><span class="verse v27" data-usfm="PHP.2.27"><span class="content">  </span></span><span class="verse v28" data-usfm="PHP.2.28"><span class="label">28</span><span class="content">Iamoto angku pakadomi&#8217;i kusua mati&#8217;, dikua anna parannu penaammi sule ke sitirokomi sia anna maringngan-ringngan duka tu kamasussangku.</span></span></div><div class="m"><span class="verse v28" data-usfm="PHP.2.28"><span class="content">  </span></span><span class="verse v29" data-usfm="PHP.2.29"><span class="label">29</span><span class="content">Iamoto parannu-rannu tongankomi untarimai tete dio Puang, sia pato&#8217; dibilang tu to susito.</span></span></div><div class="m"><span class="verse v29" data-usfm="PHP.2.29"><span class="content">  </span></span><span class="verse v30" data-usfm="PHP.2.30"><span class="label">30</span><span class="content">Belanna diona pengkaranganNa Kristus anna sidi&#8217; namate, untibe sunga&#8217;na la umpaganna&#8217;i tu apa kurang diona kamiparakaingku.</span></span></div>
      </div>
   </div>
</div>

Iamoto, iake denni pa’pakilala tete dio Kristus, iake denni pa’pakatana pa’kaboro’, iake denni kasiturusan Penaa, iake denni kamamasean sia kamaturu-turuan,
sundunnimi tu kaparannuangku, ammi misa’ penaa, sia misa’ pa’kaboro’, sangpa’inaan sia sanguluanri la miinaa-naa.
Moi misa’ da mipogau’i situru’ katuo-misan ba’tu matampo, sangadinna situru’ penaa madiongan, pantan ussanga kalena madiong anna to senga’,
Da ammi pantan umpoinaa misa kalemi, sangadinna diona duka to senga’.
Palan ara’mi te inaa iate, tu dennamo lan penaanNa Kristus Yesu,
tu moi anNa pada Ia a’ganNa Puang Matua, apa diona tu kapada-tandeanNa Puang Matua tae’ nasangai misa’ apa la nala’ka’I,
sangadinna umpabongko Kalena menna’ga kaunan sia pada-pada tolino, anna pasiruanNa susi tolino;
sia umpamadiongmo Kalena sia mengkaola lako Puang Matua landa’ lako kamatean, ontongpi landa’ lako matena dao kayu pea’ta’.
Iamoto anNa pamalangka’ tonganNi Puang Matua sia Napa’kamasean lako Kalena tu Sanga, undaoan nasangi tu mintu’ sanga,
kumua anna lan sanganNa Yesu la malinguntu’ tu mintu’ guntu’, la iatu daona langi’, la lanna te lino, la iatu diongna lu te lino,
sia mintu’ puduk mangaku, kumua Yesu Kristus tu Puang, la napomala’bi’ Puang Matua, Iamotu Ambe’.


Iamoto, e kamu mintu’ pa’kaboro’ku, susitu biasanna mengkaola bangkomi, tangia manna ke diona’ ren, sangadinna ondong pole’pa ke pa’dena’, karitutui tu kamakarimmanan kalemi situru’ kamatakuran sia kama’parondoan,
belanna Puang Matua Ia umpasirundunanni lan kalemi, la iatu diongna penaa, la dipogau’na tete dio kamasorokanNa.
Pogau’mi tu mintu’na, da mipaturu’i ma’nuku-nuku, sia kasite’geran,
anna tae’ salami sia anna masallo’ penaammi, ammi dadi anak tang sayuanNa Puang Matua dio lu tu mai to kelok sia leko’, ammi pandala-dala lako kalena susito apa parrang lan te lino,
ammi pa’petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara’tasangku tae’ nalao sala.
Moi susinna anna dipato’do raraku dibolloan pemala’ sia pesuru’ kapatonganammi, parannu duka penaangku sia sende-sendena’ sisola kamu massola nasang,
susi dukamoto la parrannukomi sia sendeki’ sola.


Apa urrannuanna’ pangeloranNa Puang Yesu, la ussuana’ Timotius madomi’ mati’, anna matana penaangku, to ke kuissanmi tu mintu’ torro ke’de’mi.
Belanna tae’ tau misa’ dio kaleku, tu susi penaanna, sia lantuk tongan la umpa’inaai tu mintu’ mipelambeinna.
Belanna pantan kalena manna natiroan, tangia diona Kristus Yesu.
Anna miissanmo tu kamarurusanna tu mangka disudi, kumua susi anak anna ambe’, susi dukamoto tu kamengkaolanna lako kaleku lan kadipalolanganna Kareba-kaparannuan.
Kurannuan la ussuai mati’ madomi’, to ke kutiromi tumba katampakanna tu diona torro ke’de’ku.
Apa urrannuanna’ pangeloranNa Puang, angku batangi kalenai male mati’ madomi’.
Apa kusanga sipatu duka kusua mati’ tu Epafroditus, siulu’ku sia sangayokangku lan pentoeangku sia kaparariangku, tu to misua umparakaina’ lan kakurangangku,
lendu’ mamali’na lako kamu sola nasang, sia ma’rundede duka penaanna tu belanna mirangimo kumua masaki.
Inang masaki tongan, sidi’mora namate, apa Nakamasei Puang Matua, sia tangia ia manna, sangadinna aku duka kumua da anna sakerangngan-rangnganna tu kamasussangku.
Iamoto angku pakadomi’i kusua mati’, dikua anna parannu penaammi sule ke sitirokomi sia anna maringngan-ringngan duka tu kamasussangku.
Iamoto parannu-rannu tongankomi untarimai tete dio Puang, sia pato’ dibilang tu to susito.
Belanna diona pengkaranganNa Kristus anna sidi’ namate, untibe sunga’na la umpaganna’i tu apa kurang diona kamiparakaingku.

Écouter FILIPI 2