Éxodo 11
11
Wamaqshu kaqkuna wanuyänanpaq willanqan
1Tsënam Moisésta Teyta Dios nirqan: <<Yapëran Faraónta y Egipto nunakunata castigashaq. Tsëran këpita ewkuyänëkipaq kikin qarquyäshunki. 2Kanan Israel nunakunata ollqutapis warmitapis ninki Egipto nunakunata qellëpita y qoripita rurashqa alhäjakunata juknin jukninpis mañakuyänanpaq>>.
3 Teyta Diosmi Egipto nunakunapa shonqunta yatarqan Israel nunakunata alli rikäyänanpaq. Tsënöllam Faraónpa mandakur yanapaqninkuna y wakin Egipto nunakunapis Moisésta precisaqpaq churar respetayarqan.
4Tsënam Faraónta Moisés nirqan: <<Teyta Diosmi kënö nishqa: <Pullan paqasmi pasashaq jinantin Egiptupa. 5Noqa pasaptïmi llapan Egipto nunakunapa wamaqshu ollqu tsurinkuna wanuyanqa. Faraónpa wamaqshu tsurinpita qallëkur mulinuchö uryaq esclävu warmipa wawanpis wamaqshu kaqqa wanunqam. Tsënöllam llapan wätakunapa punta yuriq orqu wawankunapis wanuyanqa. 6Tsënö wanuyaptinmi Egiptuchö nunakuna alläpa llakikur waqayanqa. Tsënöqa manam imëpis Egiptuchö waqayarqantsu ni yapëpis waqayanqatsu> >>.
7<<Israel nunakuna täräyanqanchöqa manam allqupis wawllanqatsu. Ni manam nunakuna ni wätakuna wanuyanqatsu. Tsënöqa kanqa Teyta Dios Israel nunakunata kuyanqanta musyayänëkipaqmi. 8Tsëran yanapashuqnikikunapis puntäman qonqurikamur niyämanqa: <Israel nunakunata këpita pusharkur ewkï>. Mana tsënö niyämaptinqa manam yarquyäshaqtsu>>.
Tsënö nïkurmi alläpa piñashqa Moisés ewkurqan Faraónpa nöpanpita.
9Tsëpitanam Moisésta Teyta Dios nirqan: <<Faraónqa manam qamkuna imata niyaptikipis cäsuyäshunkitsu. Tsëmi kë Egiptuchö mantsakëpaq castïgukunawan jipatsishaq>>.
10Faraónpa nöpanchö Moiséswan Aarón espantëpaq kaqkunata rurayaptinpis Teyta Diosmi Faraónpa shonqunta chukruyätsirqan. Tsëmi Israel nunakuna Egiptupita ewkuyänanta Faraónqa jaqirqantsu.
Tällä hetkellä valittuna:
Éxodo 11: qwhB
Korostus
Kopioi
Vertaa
Jaa
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.