Забур 126
126
Вири крар Аллагьди нуьсрет гунилай аслу я
1Зиярат ийидайла лугьудай мани. Сулейманан дуьа.
КӀвал Реббиди эцигзавачтӀа,
нагьахъ зегьмет чӀугвазва цлан устӀарри.
Шегьер Реббиди хуьзвачтӀа,
нагьахъ къекъвезва къаравул.
2Нагьахъ куьн фад къарагъзава
ва геждалди ацукьзава,
залан зегьметдив
гъилиз гъиз жуваз тӀуьн;
Вичиз кӀандайбуруз
Ада вири гузва, гьатта абур ксанвайлани.
3Аялар ирс я Реббидилай атанвай,
руфунин бегьер Ада ганвай пишкеш я.
4Къуват квайдан гъиле авай хьелер хьиз я
жегьилриз хьанвай рухваярни.
5Хьелерин чанта ацӀанвайди бахтавар я.
Регъуь жедач абуруз
душмандихъ галаз рахадай чӀавуз
варарив чпин гьуьжетрикай.
Tällä hetkellä valittuna:
Забур 126: ЛезПК
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Институт перевода Библии, 2010-2024