Забур 120

120

Ребби – вун хуьзвайди я

1Зиярат ийидайла лугьудай мани.

За жуван вилер хкажзава дагъларихъ.

Гьинихъай заз къведа куьмек?

2Куьмек къведа Реббидилай

халкь авур цавни чил.

3Ада Ви кӀвачив татаб жез тадач,

вун хуьзвайди суст жедач.

4Ингье, Исраил хуьзвайди

суст жедач ва фидач ахвариз.

5Ребби вун хуьзвайди я,

Ребби серин чка я, датӀана патав гвай.

6Ракъини вун ядач юкъуз,

вацрани – йифиз.

7Реббиди хуьзва вун гьар жуьредин писвиликай;

Ада хуьзва уьмуьр ви.

8Реббиди хуьзва вун,

вун хъфизвайла

ва вун къвезвайла,

исятда ва даим яз.

Tällä hetkellä valittuna:

Забур 120: ЛезПК

Korostus

Jaa

Kopioi

Haluatko, että korostuksesi tallennetaan kaikille laitteillesi? Rekisteröidy tai kirjaudu sisään

Suosittuja jakeita Raamatun kirjasta
Забур 120