Matiu 1
BIM
1
Yisa yejamm po
(Luk 3.23-38)
1Yisa Masia yejamm piinue na: u din tee David yaaboonne, ki David mun din tee Abraham yaaboonn.
2Abraham din mar Aisak,
ki Aisak din mar Jakɔb,
ki Jakɔb mun din mar Juda nan u waarii.
3Juda din mar Peres nan Sera, ki bi naae din tee Tamar;
ki Peres din mar Hesron,
ki Hesron din mar Ram.
4Ram din mar Aminadab,
ki Aminadab din mar Nason,
ki Nason mun din mar Salmon.
5Salmon din mar Boas, wunba naa din tee Rahab;
ki Boas din mar Obed, wunba naa din tee Ruf;
ki Obed mun din mar Jese.
6Jese din mar Kpanbar David;
ki David mun din mar Solomon,
wunba naa din tee Yuraya pakɔɔk.
7Solomon din mar Rehoboam,
ki Rehoboam din mar Abia,
ki Abia mun din mar Asa.
8Asa din mar Jehosafat,
ki Jehosafat din mar Joram,
ki Joram mun din mar Yusaya.
9Yusaya din mar Jotam,
ki Jotam din mar Ahas,
ki Ahas mun din mar Hesekaya.
10Hesekaya din mar Manase,
ki Manase din mar Amon,
ki Amon mun din mar Josaya,
11ki Josaya din mar Jekonaya nan u waarii,
ba din soor Israel niib daaba
ki saan namm Babilɔnn yoonba na.
12Ba din soorib ki saan namm Babilɔnn na poorpo,
ki Jekonaya din mar Salatiel,
ki Salatiel mun din mar Serubabel.
13Serubabel din mar Abiud,
ki Abiud din mar Elayakim,
ki Elayakim mun din mar Asor.
14Asor din mar Sadok,
ki Sadok din mar Akim,
ki Akim mun din mar Eliud.
15Eliud din mar Eleasar,
ki Eleasar din mar Matan,
ki Matan mun din mar Jakɔb.
16Jakɔb din mar Josef, ki Josef mun din tee Mari sɔrɔ,
ki Mari din mar Yisa nba ki bi yiu
Yennu Niganntɔɔ Masia na.
17Li paak, Abraham yoo ki tan tuu David yoo din tee yejamm piik nan bannae. Ki David yoo ki tan tuu yoo nba ki bi din soor niib maŋ daaba ki saan namm Babilɔnn na din tee yejamm piik nan banna. La din nyii li yoo ki tan tuu Masia maaru yoo mun din tee yejamm piik nan bannae.
Yisa Masia maaru labaar
(Luk 2.1-7)
18Ba din mar Yisa Masia biaŋinbae na: u naa Mari din tee Josef sarkpeŋe, ŋaan ki bi daa din ki kɔɔn leebi, ŋaan ki bi din tan la ki u mɔk poor, ki Yennu Seyeeŋ paŋ nie ki u soor poor maŋ. 19Josef nba ki u din yaa wun kunɔ na din tee Yennu nipeemɔe. Li paak, u din ki loon ki wun nyinnir paanu ni ki lin dinn Mari fei, ŋaan u din lor u par nie nan u ji kan kɔɔnɔ. 20Wa ji din dukii linba na po nee, ki Yennu malaka baar u boor ni u dammiit ni ki tan betɔ a “Fin Josef, wunba tee David yaaboonn, daa yêen a sarkpeŋ Mari kɔɔnu, kimaan wa mɔk poor nba na tee Yennu Seyeeŋ paŋ nie ki u soor poor maŋ. 21U tan sa mar bonjabike, ki a sa pur u sann Yisa, kimaan u tan sa nyinn u niib bi biit ni.”
22Linba na kur din tun a lin gbeen linba ki ti Yomdaanɔ Yennu din te ki u sɔkiniisɔɔ pak li po nee a 23“Sapaamunn tan sa soor poor ki mar bonjabik, ki bi tan sa pur u sann Emmanuel.” (Li paak tee a “Yennu be nant.”)
24Josef nba din tan fiir gɔɔn ni yoonba ki u tun kaman nan Yennu malaka na nba betɔ biaŋinba na, ki ji din sak ki gaar u sarkpeŋ Mari, 25ŋaan u din ki dɔɔ nanɔ mɔkmɔk nan wa din tan mar u sapaanmar, bonjak na. Ki Josef din pur u sann Yisa.